Reforma «men ultymdy qalai baqytty ete alamyn» degen asyl maqsattan, iaǵni, ultqa degen súiispenshilikten bastalady. Alash qairatkerleri túgel sondai boldy. Órkenietti, damyǵan memleket qurýǵa qazaq halqynyń qaýqary ábden jetedi. «Qazaqtarda aiaqtan shalý, kóre almaýshylyq kóp» deimiz. Bul qasietter kez-kelgen ultta bar. Biologiialyq turǵydan adamnyń bári birdei. Jalqaý halyq degen joq. Minimým kúsh sala otyryp, maksimým paida kórý – kez-kelgen biologiialyq aǵzaǵa tán maqsat.
Biraq bar máseleniń sheshimi ekonomikalyq saiasat júiesine kelip tireledi. Ekonomikalyq saiasatymyzdy túzep alsaq, bizdiń el jyldam óser edi. Eger men bai bolǵym kelse, eńbektenýim kerek bolsa, onda mundai el ósedi. Eger men baiýym úshin tonaýym kerek bolsa, mundai el qurdymǵa ketedi.
Qazaq degen jalqaý halyq emes, óte belsendi, jeti atadan asyp qana qyz alǵan, qany taza ult.
Sondyqtan óte zerek, intellektisi joǵary, daryndy halyqpyz. Men óz týystaryna úilenetin arabtardy kórdim. Olardyń oi-sanasy bala siiaqty. Al bizdiń halyqtyń oilaý óresi óte joǵary.
Bizge ne jetispeidi? Namys jetispeidi.
Biz óz-ózimizdi syilamaimyz. Nege? Óitkeni kedeimiz. Kedei adam óz-ózin syilamaidy, ózin tómen baǵalaidy.
Óitkeni túgi joq, iaǵni, qaýqary dymǵa jetpeidi. Sondyqtan ózin syilamaidy, ózine senbeidi, kóshege baryp túkiredi. Men tómen tap bolsam, keýdemdi tik ustap qaitem, mádeniettiń maǵan ne qajeti bar? Al eger ár qazaqta shaǵyn bolsa da, dúken bolsa, shaǵyn bolsa da, jer bolsa, onda ol keýdesin kóterip júredi, ózin joǵary baǵalaidy. «Meniń qolymnan bári keledi» degen senim, ózine degen qurmet paida bolady. Erteń kóshede túkirmeidi,kerisinshie, gúlzarlar salady.
Men Eýropadaǵy kedei jáne bai elderdiń osyndai aiyrmashylyǵyn baiqadym. Menińshe, túbi halyq jeńedi. Halyqtan artyq kúsh joq, men soǵan senemin ári óz tarapymnan barynsha kúsh salamyn.
Muhtar TAIJAN,
Stan.kz caityna bergen suhbatynan
