(Sýret Forbes.kz caitynan alyndy)
Derekkóz: Alash ainasy
Jiynnyń shymyldyǵyn túrgen saiasattanýshy Edýard Poletaevtyń aitýynsha básekelestik týraly aitqanda bizdiń el jii jaǵdaida Finliandiianyń tájiribesine úńiledi. Atalǵan eldiń Eýroodaqtaǵy úlesi asa aýqymdy bolmaǵanmen, álemniń naryqtaǵy básekelestik deńgeii óte joǵary. Eldiń innovatsiialyq júiesi memleket, kásiporyn jáne ýniversitettermen aradaǵy ózara bailanysqa negizdelgen. «Al bizdiń elde ǵylymi ortalyqtar men óndiristik kásiporyndardyń arasyndaǵy bailanysy áli de az. Joǵary oqý oryndary innovatsiialyq ónimder jasap shyǵarýǵa qaýqarsyz» deidi Poletaev.
Óz kezeginde «Eksport jáne investitsiia boiynsha» ulttyq agenttik» tóraǵasynyń keńesshisi Sáýle Ahmetova álemniń eksportty qoldaýdan áldeqashan bas tartqanyn tilge tiek etti. «Munyń sebebi bar. Aitalyq, memleket belgili bir salany qoldai, qorǵai túsken saiyn ol sala óziniń ómirge beiimdiliginen aiyrylady. Bul tek taýarǵa ǵana emes, sonymen birge investitsiiaǵa da qatysty. Biz eksport alǵa jyljytqannan buryn, osyndai ónim óndiretin kásiporyndardy eksporttaýǵa úiretýimiz kerek» dedi ol.
Ekonomikalyq sarapshy Sergei Smirnovtyń pikirinshe dál qazir odaq aiasynda birikken kásiporyndar qurý qaýipti. Sebebi, Úkimettiń tarapynan qoldaý joq. «Dálel kerek pe? Aitalyq, bizdiń janarmai naryǵy. Keńes odaǵy qulaǵan tusta Qazaqstan men Reseiniń munai óńdeý zaýyttary bir deńgeide bolatyn. Al qazir qalai? Biz áli kúnge Eýro-2 standartyndaǵy janarmai óndirip kelemin. Resei bolsa áldeqashan Eýro-5 standartyna kóshken. Saiyp kelgende biz Reseimen básekelese alatyn deńgeide emespiz. Sol sebepti arzan ári sapaly reseilik benzin kóbeiip ketse, otandyq janarmai naryǵynyń «ólip» qalaryn bilip shekarany jaba qoiamyz».
Al otyrysty túiindegen saiasattanýshy Andrei Chebotarevtyń pikirinshe Qazaqstanda áli de bolsa syrtqy saýdaǵa baqylaý júrgizetin júie jolǵa qoiylmaǵan. «Ortaq óndiristik saiasat týraly aitýdyń ózi qisynsyz. Sebebi, Resei tarapynan saýda sattyqqa qatysty kóptegen kedergiler áli kúnge alynǵan joq. Saiyp kelgende áli kúnge deiin taýar aǵynyn baqylaýǵa qatysty ortaq saiasat qabyldanǵan joq degen sóz» dedi óz sózinde Chebotarev.
