Sport jýrnalisi Aslan Qajenov Bishkekte jańadan paidalanýǵa berilgen stadion men Astanadaǵy Qajymuqan Muńaitpasov atyndaǵy stadionnyń qurylysyna ketken qarjyny salystyryp, elordadaǵy sport nysanyna qatysty syn aitty, dep habarlaidy dalanews.kz.
Bishkekte Ortalyq Aziiadaǵy eń úlken stadiondardyń biri paidalanýǵa berildi. Onyń qurylysyna 60 million dollar jumsalyp, nysan 51 myń kórermenge laiyqtalǵan. Stadion úsh jylda salynyp bitken.
Aslan Qajenov osy kórsetkishterdi Astanadaǵy Qajymuqan Muńaitpasov atyndaǵy stadionmen salystyrǵan. Onyń málimetinshe, elordadaǵy nysan da biyl paidalanýǵa berilgen. Qurylysyna 37 million dollar jumsalǵanymen, stadion nebári 3 600 kórermenge arnalǵan.
Jýrnalist eki nysannyń quny men syiymdylyǵy arasyndaǵy aiyrmashylyqqa nazar aýdaryp, Qazaqstandaǵy stadion qurylysyna jumsalǵan qarjyǵa qatysty máseleni kóterdi.
"Endi salystyryp kórińiz. Qyrǵyzdar 60 mln-ǵa 51 myńdyq stadion salsa, qazaqtar 37 mln-ǵa kemi 30 myń oryndyq stadion salý kerek qoi. Po-faktý bizdegisi 10 ese kishi bolyp tur. Qalai sonda? Eshqandai esepke kelmeitin esep. Eshqandai logikaǵa kelmeitin sheshim. Aqsha qaida? Alań qaida? Kim jaýap beredi?", - dep jazdy Aslan Qajenov.
