Kassatsiialyq sot asa aýyr qylmysty jasyryp, sottalǵan Baqytjan Baijanovqa qatysty isti qaita qarady, dep habarlaidy dalanews.kz.
2023 jylǵy qarashada Astana qalasynda Baijanov Saltanat Núkenovany óltirý qylmysynyń izderin jasyrýǵa kómektesken.
Asa aýyr qylmysty aldyn ala ýádelespei jasyrǵany úshin alqabilerdiń úkimine sáikes, sot ony QK-niń 432-baby boiynsha 4 jylǵa bas bostandyǵynan aiyrýǵa úkim etti. Apelliatsiialyq saty aýdandyq sottyń qabyldaǵan úkimimen kelisti.
Qorǵaý tarapy eki kassatsiialyq shaǵym berdi:
Advokat kinániń dáleldenbeýine bailanysty sot aktileriniń kúshin joiýdy jáne Baijanovty aqtaýdy surady.
Ol Baqytjan Baijanovtyń qylmysty jasyrýǵa nieti bolmaǵanyn jáne jábirlenýshiniń qaitys bolǵanyn naqty bilmegeni týraly ýáj keltirdi.
- Sottalǵannyń zaiyby asyraýynda úsh kámeletke tolmaǵan balanyń bolýyn jáne jaýaptylyqty aýyrlatatyn mán-jailardyń joqtyǵyn eskere otyryp, taǵaiyndalǵan jazany jeńildetýdi surady.
Is materialdaryna sáikes, Baqytjan baijanov meiramhanany jaýyp, qyzmetkerlerdi taratyp jiberý týraly ókim etken, sondai-aq memlekettik organ qyzmetkeriniń oqiǵa ornyna barýyna kedergi keltirgen. Onyń talaby boiynsha beinebaqylaý kameralaryndaǵy jazbalar joiylyp, mekemedegi beinetirkeý júiesi óshirilgen.
Tergeýdi shatastyrý úshin ol meiramhanaǵa birneshe ret áielder kiimin ákelgen jáne qaza tapqan N.-nyń telefonyn basqa jerge tasymaldaýdy uiymdastyrǵan.
Kassatsiialyq sot mynadai qorytyndyǵa keldi:
- Baijanovtyń kinási dáleldengen;
- onyń is-áreketteri qasaqana qylmysty jasyrý dep negizdi túrde tanylǵan;
- taǵaiyndalǵan jaza ádiletti, jasalǵan is-árekettiń sipatyna sai keledi jáne qaita qaraýǵa jatpaidy.
- alqabilerdiń qatysýymen ótken sot talqylaýy rásimi buzýshylyqtarsyz ótkendikten, jergilikti sottardyń aktilerin joiýǵa nemese ózgertýge protsestik negizder joq bolǵandyqtan, sot aktileri ózgerissiz qaldyryldy.
