Eki jyl buryn Astanada burynǵy ulttyq ekonomika ministri Qýandyq Bishimbaevqa qatysty sot protsesi ótip jatqan kezde reseilik bloger, psiholog ári koých Natalia Greis sot otyrysyna qatysqan edi, dep dalanews.kz tilshisi kznews.kz saityna silteme jasap habarlaidy.
Keiin onyń YouTube arnasynda Bishimbaevtyń ata-anasymen suhbat jariialandy. Áńgime barysynda olar oqiǵaǵa qatysty óz ustanymyn aityp, ulynyń minezi, ómiri jáne marqum Saltanat Núkenovamen qarym-qatynasy týraly pikir bildirgen.
Bul suhbat kópshilik arasynda qyzý talqylandy. Áleýmettik jeli qoldanýshylarynyń bir bóligi ony Bishimbaevty aqtaýǵa tyrysqan material retinde qabyldasa, endi biri ata-ananyń óz kózqarasyn aitýǵa quqyǵy bar ekenin jazdy.
Qazir atalǵan suhbat Natalia Greistiń YouTube arnasynda qoljetimsiz bolyp tur. Buǵan deiin taraǵan siltemeler arqyly ótkende, videony kórý múmkin emes nemese onyń qoljetimdiligi shektelgeni baiqalady.
Ázirge suhbattyń ne sebepti jabylǵany nemese óshirilgeni resmi túrde aitylǵan joq. Degenmen videony tolyq nemese úzindi túrinde basqa YouTube arnalary men áleýmettik jelilerden áli de kezdestirýge bolady.
