Bishkektegi mektepter er adamnyń balalarǵa shabýyl jasaimyn degen qaýpinen keiin onlain oqý formatyna kóshirildi, dep habarlaidy Dalanews.kz.
Qalanyń birneshe mektebinen oqýshylar evakýatsiialandy. Buǵan messendjerlerdiń birinde taraǵan beinejazba sebep boldy. Onda belgisiz er adam mektep oqýshylaryna kúsh qoldanatynyn aityp qorqytqan.
Bishkek qalasy ákiminiń orynbasary Viktoriia Mozgacheva 17 qazanda barlyq mýnitsipaldy mektepter qashyqtan oqytýǵa kóshetinin málimdedi.
Qalalyq ishki ister basqarmasynyń habarlaýynsha, oqiǵa faktisi aqparatty tirkeý jýrnalynda tirkelip, aldyn ala tekserý bastaldy.
Politsiia kúdiktiniń jeke basyn anyqtaǵan. Ol – 2005 jyly týǵan Ýkraina azamaty Iaroslav Ovsiýk.
Málimetke sáikes, Ovsiýk Resei IIM tarapynan telefon terrorizmi úshin halyqaralyq izdeýde júrgen.
«Bishkek IIB turǵyndardy sabyr saqtaýǵa jáne dúrbeleńge boi aldyrmaýǵa shaqyrady. Barlyq túsken aqparat pen habarlamalar dereý tekserilýde. Qazirgi tańda tizimge engen barlyq mektepter tekserildi, kúdikti zattar men qaýip belgileri tabylǵan joq. Politsiia qyzmetkerleri kúsheitilgen rejimde jumys istep, oqýshylar men muǵalimderdiń qaýipsizdigin qamtamasyz etýde», – delingen resmi habarlamada.
Beinejazba taraǵannan keiin №6 jáne №61 mektepter, sondai-aq «Aq-Ordo» turǵyn aýdanyndaǵy jalpy bilim beretin mektep qorshaýǵa alynyp, oqýshylar men ákimshilik evakýatsiialandy. Oqiǵa ornynda kinologtar jumys istedi.
№6 mektep-gimnaziiasynyń ǵimaraty men aýmaǵy tekserildi, biraq kúdikti zattar tabylǵan joq.
