Aqparat Telegram-daǵy birneshe arnada anyqtamalyq qujat túrinde jariialandy. Keiinirek birqatar BAQ aqparat kózderine silteme jasai otyryp, burynǵy densaýlyq saqtaý ministriniń ustalǵanyn málimdedi.
Qazirgi ýaqytta eks-ministrdiń ustalǵany týraly aqparat rastalǵan joq, biraq joqqa da shyǵarylmady.
Keiinirek Qarjy ministrliginiń qarjy monitoringi komiteti Birtanovtyń «ustalǵany» týraly aqparatqa túsinik berdi. «Burynǵy QR Densaýlyq saqtaý ministrine qatysty tergeý áreketteri týraly málimetter QR QIJK 201-babyna sáikes jariialanbaidy» dep habarlady vedomstvodaǵylar.
Eske salaiyq, Eljan Birtanov biyl 25 qańtardan 25 maýsymǵa deiin Qazaqstannyń Densaýlyq saqtaý ministri boldy. Ol qyzmetinen keter aldynda koronavirýs juqtyrǵany belgili bolǵan. Sol kezde Birtanov aýrýy pnevmoniiaǵa asqynǵandyqtan, oǵan qosymsha emdelý qajet ekenin habarlaǵan edi.
Aita keteiik, Birtanov 2015 jyldyń 12 qarashasynan beri QR Densaýlyq saqtaý jáne áleýmettik damý vitse-ministri bolyp qyzmet atqarǵan edi. Bul qyzmetine deiin ol «Memlekettik-jeke menshik seriktestik jobalaryn súiemeldeý ortalyǵy» JShS Basqarma basshysy qyzmetin atqarǵan bolatyn.
Eljan Birtanov 1971 jyldyń 18 qazanynda Taraz qalasynda dúniege kelgen. Ol Almaty meditsinalyq institýtynda, Arizona shtatynyń ýniversitetinde, Resei meditsinalyq diplomnan keiingi bilim akademiiasynda, Sharite ýniversitettik klinikasynda (Germaniia), Turan ýniversitetinde, Duke University, Fuqua School of Business (AQSh), Global Executive MBA magistratýrasynda bilim alǵan.
