اقپارات Telegram-داعى بىرنەشە ارنادا انىقتامالىق قۇجات تۇرىندە جاريالاندى. كەيىنىرەك ءبىرقاتار ب ا ق اقپارات كوزدەرىنە سىلتەمە جاساي وتىرىپ، بۇرىنعى دەنساۋلىق ساقتاۋ ءمينيسترىنىڭ ۇستالعانىن مالىمدەدى.
قازىرگى ۋاقىتتا ەكس-مينيستردىڭ ۇستالعانى تۋرالى اقپارات راستالعان جوق، ءبىراق جوققا دا شىعارىلمادى.
كەيىنىرەك قارجى مينيسترلىگىنىڭ قارجى مونيتورينگى كوميتەتى ءبىرتانوۆتىڭ «ۇستالعانى» تۋرالى اقپاراتقا تۇسىنىك بەردى. «بۇرىنعى ق ر دەنساۋلىق ساقتاۋ مينيسترىنە قاتىستى تەرگەۋ ارەكەتتەرى تۋرالى مالىمەتتەر ق ر قىجك 201-بابىنا سايكەس جاريالانبايدى» دەپ حابارلادى ۆەدومستۆوداعىلار.
ەسكە سالايىق، ەلجان ءبىرتانوۆ بيىل 25 قاڭتاردان 25 ماۋسىمعا دەيىن قازاقستاننىڭ دەنساۋلىق ساقتاۋ ءمينيسترى بولدى. ول قىزمەتىنەن كەتەر الدىندا كوروناۆيرۋس جۇقتىرعانى بەلگىلى بولعان. سول كەزدە ءبىرتانوۆ اۋرۋى پنيەۆمونياعا اسقىنعاندىقتان، وعان قوسىمشا ەمدەلۋ قاجەت ەكەنىن حابارلاعان ەدى.
ايتا كەتەيىك، ءبىرتانوۆ 2015 جىلدىڭ 12 قاراشاسىنان بەرى ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى بولىپ قىزمەت اتقارعان ەدى. بۇل قىزمەتىنە دەيىن ول «مەملەكەتتىك-جەكە مەنشىك سەرىكتەستىك جوبالارىن سۇيەمەلدەۋ ورتالىعى» ج ش س باسقارما باسشىسى قىزمەتىن اتقارعان بولاتىن.
ەلجان ءبىرتانوۆ 1971 جىلدىڭ 18 قازانىندا تاراز قالاسىندا دۇنيەگە كەلگەن. ول الماتى مەديسينالىق ينستيتۋتىندا، اريزونا شتاتىنىڭ ۋنيۆەرسيتەتىندە، رەسەي مەديسينالىق ديپلومنان كەيىنگى ءبىلىم اكادەمياسىندا، شاريتە ۋنيۆەرسيتەتتىك كلينيكاسىندا (گەرمانيا)، تۇران ۋنيۆەرسيتەتىندە، Duke University، Fuqua School of Business (اقش)، Global Executive MBA ماگيستراتۋراسىندا ءبىلىم العان.
