Memlekettik aýditten keiin bilim berý salasyndaǵy laýazymdy adamdar tártiptik jaýapkershilikke tartyldy, dep habarlaidy Dalanews.kz.
Oqý-aǵartý ministrliginiń, Qazaqstannyń jetekshi joǵary oqý oryndarynyń jáne «Daryn» respýblikalyq ǵylymi-praktikalyq ortalyǵynyń laýazymdy adamdary men qyzmetkerleri tártiptik jaýapkershilikke tartyldy. Joǵary aýditorlyq palatanyń tapsyrmasy boiynsha tiisti sharalar qabyldandy.
Biyl aqpanda orta bilim berýdi damytýǵa bólingen biýdjet qarajatynyń paidalanylý tiimdiligin baǵalaý boiynsha memlekettik aýdit júrgizildi. Tekserý barysynda aýditorlar pedagogterdi daiarlaý men jumysqa ornalastyrý, bilim berý protsesin ádisnamalyq qamtamasyz etý, memlekettik retteý bóliginde jáne t. b. birqatar problemalyq másele men kemshilikterdi anyqtady. Osyǵan bailanysty Joǵary aýditorlyq palata ýákiletti memlekettik organdar men uiymdardyń basshylyǵyna zańnamany buzýǵa jol bergen laýazymdy adamdardy jaýapkershilikke tartý máselesin qaraýdy tapsyrdy. Nátijesinde:
- QR Oqý-aǵartý ministrliginiń Orta bilim berý komiteti tóraǵasynyń orynbasary;
- QR Oqý-aǵartý ministrliginiń Bilim berý salasynda sapany qamtamasyz etý komiteti tóraǵasynyń orynbasary;
- Sh. Esenov atyndaǵy Kaspii tehnologiia jáne injiniring ýniversitetiniń rektory;
- Q.A. Iassaýi atyndaǵy Halyqaralyq qazaq-túrik ýniversitetiniń rektory;
- Y. Altynsarin atyndaǵy Arqalyq pedagogikalyq institýtynyń prorektory;
- S. Amanjolov atyndaǵy Shyǵys Qazaqstan ýniversitetiniń prorektory;
- L. Gýmilev atyndaǵy Eýraziia ulttyq ýniversitetiniń prorektory;
- M. Ótemisov atyndaǵy Batys Qazaqstan ýniversitetiniń prorektory;
- Qorqyt ata atyndaǵy Qyzylorda ýniversitetiniń prorektory;
- Akademik A. Qýatbekov atyndaǵy Halyqtar dostyǵy ýniversitetiniń prorektory;
- Sh. Murtaza atyndaǵy Taraz halyqaralyq innovatsiialyq institýtynyń prorektory;
- M. Qozybaev atyndaǵy Soltústik Qazaqstan ýniversitetiniń dekany;
- A. Myrzahmetov atyndaǵy Kókshetaý ýniversitetiniń kafedra meńgerýshileri;
- Y. Altynsarin atyndaǵy Ulttyq bilim akademiiasynyń qarjy-ekonomikalyq departamentiniń direktory jáne aǵa ǵylymi qyzmetkerleriniń biri;
- M. Áýezov atyndaǵy Ońtústik Qazaqstan ýniversitetiniń mamandary ártúrli tártiptik jaýapkershilikke tartyldy.
- Sondai-aq «Daryn» respýblikalyq ǵylymi-praktikalyq ortalyǵynyń bólim basshylary men ádiskerleri tártiptik jaýapkershilikke tartyldy.
