Astana men Almatyda terroristik qaýiptiń "sary" deńgeii alyndy, dep habarlaidy Dalanews.kz.
Bul týraly terrorizmge qarsy ortalyq habarlady.
Shanhai yntymaqtastyq uiymy sammiti men Qytai tóraǵasynyń memlekettik resmi saparynyń aiaqtalýyna bailanysty "Terrorizmge qarsy is-qimyl týraly" zańnyń 13 jáne 15-baptaryna sáikes kúzetiletin tulǵalardyń qaýipsizdigin qamtamasyz etý boiynsha kúzet is-sharalaryn ótkizý kezinde terrorizmge qarsy kúres jónindegi respýblikalyq jedel shtabtyń basshysy retinde Memlekettik kúzet qyzmetiniń basshysy terrorizmge qarsy operatsiia rejimin 4 shildeniń 23 saǵat 59 minýttan Astana qalasynda alyp tastaý týraly sheshim qabyldanǵan.
Sonymen qatar, Qazaqstan prezidentiniń 2013 jylǵy 9 tamyzdaǵy №611 Jarlyǵymen bekitilgen "Terrorizm aktisi qateriniń týyndaýy týraly aqparat monitoringiniń jáne halyqty habardar etýdiń memlekettik júiesiniń uiymdastyrylýy men jumys isteý qaǵidalaryna" sáikes Astana, Almaty, Qaraǵandy jáne Kókshetaý qalalarynda 4 shildeniń 23 saǵat 59 minýtynan terroristik qaýiptiń birqalypty ("sary") deńgeii alynyp tastaldy.
Kúshtik qurylym bólimsheleri shtattyq rejimde jumys isteidi.
