Qazaqstan fýtbol federatsiiasy bas hatshy Skott Mann jylyna 1 mln dollar, al ulttyq quramanyń bas bapkeri Djon van ’t Ship aiyna 75 myń eýro jalaqy alady degen aqparatty joqqa shyǵardy, dep habarlaidy dalanews.kz.
Qazaqstan fýtbol federatsiiasy bas hatshy Skott Mann jylyna 1 mln dollar, al ulttyq quramanyń bas bapkeri Djon van’t Ship aiyna 75 myń eýro jalaqy alady degen aqparatty joqqa shyǵardy, dep habarlaidy Dala News.
Buǵan deiin áleýmettik jelide KFF bas hatshysy men ulttyq quramanyń bas bapkerine tólenetin jalaqy týraly aqparat taraǵan. Onda Skott Mann jylyna 1 mln dollar, al Djon van ’t Ship aiyna 75 myń eýro alady degen málimet keltirilgen.
KFF bul aqparatty resmi túrde joqqa shyǵardy. Federatsiianyń málimetinshe, bas bapker Djon van ’t Shiptiń jalaqysy onyń aldyndaǵy bas bapkerdiń deńgeiinde belgilengen.
Bul rette KFF bas hatshysy Skott Mannnyń naqty jalaqysy jariialanǵan joq.
Federatsiia sondai-aq KFF memlekettik biýdjetten qarjylandyrylmaitynyn málimdedi.
Djon van’t Ship Qazaqstan quramasynyń bas bapkeri qyzmetine 2026 jylǵy tamyzda taǵaiyndaldy. KFF onyń aldynda ulttyq quramanyń aldyna Ulttar ligasynyń C divizionyndaǵy topta birinshi oryn alyp, B divizionyna qaita oralý mindeti qoiylǵanyn habarlaǵan.
Al Skott Mann KFF-nyń bas hatshysy qyzmetine 2026 jylǵy shildede kiristi. Onyń ókilettik merzimi 2030 jylǵy shildege deiin belgilengen.
KFF Djon van’t Shippen jasalǵan kelisimsharttyń sharttary qupiia ekenin buǵan deiin de málimdegen. Federatsiia bas hatshysy Skott Mann jańa bapkerdi tanystyrý kezinde kelisimshart talaptary qupiia ekenin aityp, Ulttar ligasyndaǵy matchtar aiaqtalǵannan keiin nátijeler taldanyp, odan ári yntymaqtastyq týraly sheshim qabyldanatynyn jetkizgen.
Osylaisha, áleýmettik jelide taraǵan Skott Mannnyń jylyna 1 mln dollar jáne Djon van ’t Shiptiń aiyna 75 myń eýro alatyny týraly aqparat KFF tarapynan rastalmady.
