Jýrnalist Janat Moldashova áleýmettik jelidegi paraqshasynda Atyraýda bolǵan qaiǵyly oqiǵaǵa qatysty jazba jariialap, quzyrly organdardan resmi aqparat berýin surady, dep habarlaidy dalanews.kz.
Oqiǵa 2026 jylǵy 22 shildede bolǵan. Kúieýi kelinshekke birneshe jerden pyshaq jaraqatyn salǵan. Marqumnyń janynda úsh jasar qyzy bolǵany aitylady. Keiin kúdikti ustalǵany habarlanǵan.
Janat Jaqsybaiqyzy bul derek ózine marqumnyń jaqyndarynan WhatsApp arqyly joldanǵanyn kórsetip, habarlamada kúdiktiniń ustalǵany jáne úsh jasar qyzdan jaýap alynýǵa shaqyrylǵanyn jetkizdi.
“Taǵy da sumdyq. Taǵy da áiel ólimi. Demalystan keiingi jumys kúnimiz taǵy da jan túrshigerlik aýyr qylmyspen bastaldy. Bul qandy qylmysqa qatysty resmi aqparat nege jariialanbai otyr?”, – dep jazdy jýrnalist.
