Búgin Memleket basshysy Qasym-Jomart Toqaev Qazaqstan halqyna Joldaýyn jariialady. Osy tusta Almaty qalalyq Jastar Rýhy Jastar qanatynyń tóraǵasy Ákejan Keńesov atalǵan birneshe máselege bailanysty pikirin bildirdi, dep habarlaidy Dalanews.kz.
“Prezident Qasym-Jomart Toqaevtyń joldaýynda el damýynyń basym baǵyttary retinde ekonomika, ǵylym jáne joǵary bilim salalary erekshe ataldy. Bulardyń árqaisy el bolashaǵy úshin asa mańyzdy, sondai-aq munda jastardyń róli zor dep esepteimin.
Memleket basshysy atap ótkendei, Qazaqstannyń ekonomikalyq damýynyń basty maqsaty – azamattardyń tabys deńgeiin arttyrý. Bul maqsatqa jetý úshin ekonomikany ártaraptandyrý, shaǵyn jáne orta biznesti damytý, investitsiialyq ahýaldy jaqsartý mańyzdy. Osy baǵyttarda jastardyń belsendiligi sheshýshi ról atqarýy tiis. Jastardyń kásipkerlikke degen qyzyǵýshylyǵyn arttyrý úshin arnaiy baǵdarlamalar uiymdastyrý qajet",- deidi ol.
Aitýynsha, startap-baiqaýlar, kásipkerlikke úiretý kýrstary jáne tálimgerlik baǵdarlamalar arqyly jastardy bizneste jańa ideialardy júzege asyrýǵa yntalandyrýǵa bolady.
“Osy baǵyttar boiynsha jas kásipkerler eldiń ekonomikalyq ósimine óz úlesin qosyp, jańa jumys oryndaryn ashyp, qoǵamdaǵy áleýmettik teńsizdikti tómendetýge yqpal etedi”, - dep atap ótti Keńesov.
Sonymen qatar tsifrlandyrý men innovatsiialardy ekonomikanyń barlyq salasyna engizý qajettiligi de mańyzdy ekenin jetkizdi.
“IT salasynda bilim alyp jatqan jastarǵa tájiribe almasý, startaptar qurý jáne innovatsiialyq jobalardy iske asyrý múmkindikterin usyný mańyzdy. Tsifrlyq ekonomikada jetistikke jetý úshin jastardyń jańa tehnologiialardy meńgerýi jáne olardy óndiriste, qyzmet kórsetý salasynda jáne kúndelikti ómirde qoldanýy mańyzdy.
Prezident ǵylymdy damytýǵa erekshe nazar aýdaryp, elimizde innovatsiialyq ekojúie qurý qajettigin aitty. Mysaly, stýdentter men jas ǵalymdar arasynda ǵylymi jobalar baiqaýlaryn uiymdastyrý, tájiribe almasý baǵdarlamalaryn damytý, sheteldik jetekshi ǵalymdarmen yntymaqtastyqty nyǵaitý siiaqty sharalar arqyly jastardyń ǵylymǵa degen qyzyǵýshylyǵyn arttyrýǵa bolady. Sondai-aq, ǵylym men óndiris arasyndaǵy bailanysty kúsheitý qajet. Ǵylymi jańalyqtardy óndiriske engizýge yqpal etý mańyzdy. Bul úshin ýniversitetterde startaptar qurýǵa, ǵylymi-tehnologiialyq parkter ashýǵa jáne óndiristik kásiporyndarmen tyǵyz bailanys ornatýǵa jaǵdai jasaý mańyzdy. Osy arqyly jas ǵalymdar ózderiniń ǵylymi jańalyqtaryn naqty ónimge ainaldyryp, ekonomikanyń damýyna úles qosa alady”, - deidi Keńesov.
Onyń sózinshe, joǵary bilim salasy – elimizdiń ziiatkerlik áleýetin arttyrýdyń negizgi kózi.
“Prezident joǵary oqý oryndaryn internatsionaldandyrý, olardyń sapasyn arttyrý jáne naqty ekonomikamen bailanysty kúsheitý qajettigin atap ótti. Stýdentter men jas mamandardy jumysqa ornalastyrý, olardy naqty óndiris oryndaryna taǵylymdamaǵa jiberý jáne olardyń bilimin praktikada qoldanýǵa múmkindik berý baǵytynda belsendilik tanytý qajet.
Joǵary bilimniń sapasyn arttyrý úshin oqý baǵdarlamalaryn zamanaýi talaptarǵa sáikestendirý, halyqaralyq standarttarǵa sai bilim berý jáne sheteldik joǵary oqý oryndarymen yntymaqtastyqty kúsheitý mańyzdy. Stýdentter arasynda sheteldik tájiribe almasý baǵdarlamalaryn nasihattaý, sheteldik professorlar men mamandardy Qazaqstandyq joǵary oqý oryndaryna shaqyrý arqyly bilim sapasyn arttyrýǵa yqpal etý qajet.
Bul elimizdiń ekonomikalyq jáne áleýmettik damýynyń mańyzdy faktoryna ainalatyny sózsiz.
Qorytyndylai kele, elimizdiń bolashaǵy úshin turaqty damý men órkendeýge baǵyttalǵan júieli qadamdar jasaý asa mańyzdy. Birlese atqarylǵan jumys pen alǵa qoiǵan maqsattarǵa adaldyq – jarqyn bolashaqtyń kepili bolmaq”, - deidi ol.
