Qarjy vitse-ministri Erjan Birjanov eski Qazaqstan ókilderi Nurlan Nyǵmatýlin men Danial Ahmetovtyń sheteldegi aktivterine qatysty pikir bildirdi, dep habarlaidy Dalanews.kz.
Senattyń jalpy otyrysynyń kýlýarynda Azattyq rýhy agenttiginiń tilshisi óziniń ekskliýzivti suraǵynda aktivterdi qaitarý boiynsha komissiianyń jumysy jaily surady.
"Búginde aktivterdi qaitarý boiynsha Bas prokýratýra janyndaǵy komissiia jumys istep jatyr. Biz jumys organdarynyń biri bolamyz, barlyq málimetti jiberip otyramyz. Eger de shyǵarylǵan aktivter zańsyz bolsa, tártipke sáikes, olar reestrge engizilip, ujymdyq túrde sheshim qabyldanady", - dedi Birjanov.
Vitse-ministrge Nurlan Nyǵmatýlinniń otbasyna, Danial Ahmetovtyń ulynyń atyna jazylǵan BAÁ-daǵy birneshe páterdiń jaǵdaiy jaily suraq qoiyldy.
"Bul tulǵalarǵa qatysty mende aqparat joq. Sebebi ol reestrdi ózge quqyq qorǵaý blogy, basqa organ júrgizedi. Sheteldegi kez kelgen zańsyz aktiv tekseriledi. Qarjy ministriniń ókili retinde aitatyn bolsam, aty-jónsiz shyǵarylǵan kez kelgen qarajatty tekseremiz. Buqaraǵa tanymal emes tulǵalar da óz kompaniiasynyń aktivin shyǵaryp alyp, olar zańsyz bolsa, olar tekseriledi", - dedi vitse-ministr.
