قارجى ۆيسە-مينيسترى ەرجان ءبىرجانوۆ ەسكى قازاقستان وكىلدەرى نۇرلان نىعماتۋلين مەن دانيال احمەتوۆتىڭ شەتەلدەگى اكتيۆتەرىنە قاتىستى پىكىر ءبىلدىردى، دەپ حابارلايدى Dalanews.kz.
سەناتتىڭ جالپى وتىرىسىنىڭ كۋلۋارىندا ازاتتىق رۋحى اگەنتتىگىنىڭ ءتىلشىسى ءوزىنىڭ ەكسكليۋزيۆتى سۇراعىندا اكتيۆتەردى قايتارۋ بويىنشا كوميسسيانىڭ جۇمىسى جايلى سۇرادى.
"بۇگىندە اكتيۆتەردى قايتارۋ بويىنشا باس پروكۋراتۋرا جانىنداعى كوميسسيا جۇمىس ىستەپ جاتىر. ءبىز جۇمىس ورگاندارىنىڭ ءبىرى بولامىز، بارلىق مالىمەتتى جىبەرىپ وتىرامىز. ەگەر دە شىعارىلعان اكتيۆتەر زاڭسىز بولسا، تارتىپكە سايكەس، ولار رەەسترگە ەنگىزىلىپ، ۇجىمدىق تۇردە شەشىم قابىلدانادى"، - دەدى ءبىرجانوۆ.
ۆيسە-مينيسترگە نۇرلان ءنىعماتۋليننىڭ وتباسىنا، دانيال احمەتوۆتىڭ ۇلىنىڭ اتىنا جازىلعان ءباا-داعى بىرنەشە پاتەردىڭ جاعدايى جايلى سۇراق قويىلدى.
"بۇل تۇلعالارعا قاتىستى مەندە اقپارات جوق. سەبەبى ول رەەستردى وزگە قۇقىق قورعاۋ بلوگى، باسقا ورگان جۇرگىزەدى. شەتەلدەگى كەز كەلگەن زاڭسىز اكتيۆ تەكسەرىلەدى. قارجى ءمينيسترىنىڭ وكىلى رەتىندە ايتاتىن بولسام، ءاتى-جونسىز شىعارىلعان كەز كەلگەن قاراجاتتى تەكسەرەمىز. بۇقاراعا تانىمال ەمەس تۇلعالار دا ءوز كومپانياسىنىڭ اكتيۆىن شىعارىپ الىپ، ولار زاڭسىز بولسا، ولار تەكسەرىلەدى"، - دەدى ۆيسە-مينيستر.
