Bul týrasyndaǵy aqparatty býriattar Mediazon kanalyna ózderi habarlaǵan. №32364 áskeri bólimdegi 7 býriat soǵysqa qatysqysy kelmeitinderin ashyp aityp, aryz jazǵan.
– Biz bárimiz soǵysqa qatyspaitynymyzdy aityp aryz jazǵanymyzben komandirlerimiz bizdiń talabymyzǵa qulaq aspai, qoqan-loqy jasaýda. Ýaqytsha tergeý izoliatoryna qamalǵan bizderdi aldaǵy ýaqytta Lýgansk aimaǵyna tutqiyldan shabýyldaityn topqa qosyp, erkimizden tys soǵysqa attandyrýǵa árekettenýde, – dep býriat sarbazdar jýrnalisterge muńyn shaǵypty.
Osylaisha soǵystyń aldyńǵy shebinde júrgen býriat sarbazdar ózderiniń narazylyqtaryn bildirip jatyr.
Buǵan deiin kelsim-shart negizinde áskeri boryshyn ótep jatqan býriat sarbazdyń anasy balasy soǵys kezinde aýyr jaralanyp, miy shaiqalsa da úiine qaitarmaǵanyn aityp shaǵymdanǵan-dy.
Budan basqa ańyraǵan ana Býrtiiadan áskeri boryshyn ótep júrgen 77 sarbaz soǵysqa qatyspaityndaryn aityp, aryz jazǵanyn da jetkizgen. Olar óz bólimshelerinde maidan dalasyna minip shyǵatyn birde bir tank qalmaǵannan keiin osyndai qadamǵa barǵanyn jaqyndaryna aitypty.
Osylaisha býriat sarbazdar maǵanasyz soǵystyń qurbany bolýdan jappai bas tartýǵa kóshken.
