Búginde ýkraın sarbazdary Amerıkadan ákelingen HIMARS qarýyn tıimdi paıdalanyp, maıdan shebindegi orys okýpanttarynyń oq-dári qoımalaryn kózdep atyp, talqanyn shyǵaryp jatqany belgili.

Ýkrıana jerine HIMARS qarýy kelgeli beri orystarda «HIMARS-ti atyp qurttyq» dep habar taratýdan jalyǵar emes.

Kúni keshe ǵana Reseıdiń Qorǵanys mınıstri Sergeı Shoıgý selektorlyq májiliste alty HIMARS pen onyń 200 raketasyn joq qylǵanyn aıtyp, súıinshi suraǵandaı boldy.

Soǵys bastalǵaly beri AQSH-tyń Ýkraıanaǵa jetkizgen HIMARS-iniń sany onǵa jetpeıtini barshaǵa málim. Al orystardyń «atyp, joıyp jiberdik» degen HIMARS-iniń sanynan jurt jańylysa bastady.

Qazirgi tańda Reseıdiń Qorǵanys mınıstrligi durystap urys júrgizýden góri dızınformasıa taratýdan aldyna qara saldyrmaı tur.

Sergeı Shoıgý «alty HIMARS-ti joıyp jiberdik» dep habar taratqannan keıin Pentagonnyń ókili Todd Bresseıl Shoıgýdyń beti búlk etpesten ótirik aıtqanyn málimdedi.

Al Ýkraına Qarýly kúshteriniń «Ońtústik» qolbasshylyǵynyń basshysy Andreı Kovalchýk ýkraın sarbazdary birde-bir HIMARS joǵaltpaǵanyn alǵa tartyp, Shoıgýdyń sózin joqqa shyǵardy.