ۋكريانا جەرٸنە HIMARS قارۋى كەلگەلٸ بەرٸ ورىستاردا «HIMARS-تٸ اتىپ قۇرتتىق» دەپ حابار تاراتۋدان جالىعار ەمەس.
كٷنٸ كەشە عانا رەسەيدٸڭ قورعانىس مينيسترٸ سەرگەي شويگۋ سەلەكتورلىق مەجٸلٸستە التى HIMARS پەن ونىڭ 200 راكەتاسىن جوق قىلعانىن ايتىپ, سٷيٸنشٸ سۇراعانداي بولدى.
سوعىس باستالعالى بەرٸ اقش-تىڭ ۋكراياناعا جەتكٸزگەن HIMARS-ٸنٸڭ سانى ونعا جەتپەيتٸنٸ بارشاعا مەلٸم. ال ورىستاردىڭ «اتىپ, جويىپ جٸبەردٸك» دەگەن HIMARS-ٸنٸڭ سانىنان جۇرت جاڭىلىسا باستادى.
قازٸرگٸ تاڭدا رەسەيدٸڭ قورعانىس مينيسترلٸگٸ دۇرىستاپ ۇرىس جٷرگٸزۋدەن گٶرٸ ديزينفورماتسييا تاراتۋدان الدىنا قارا سالدىرماي تۇر.
سەرگەي شويگۋ «التى HIMARS-تٸ جويىپ جٸبەردٸك» دەپ حابار تاراتقاننان كەيٸن پەنتاگوننىڭ ٶكٸلٸ تودد برەسسەيل شويگۋدىڭ بەتٸ بٷلك ەتپەستەن ٶتٸرٸك ايتقانىن مەلٸمدەدٸ.
ال ۋكراينا قارۋلى كٷشتەرٸنٸڭ «وڭتٷستٸك» قولباسشىلىعىنىڭ باسشىسى اندرەي كوۆالچۋك ۋكراين ساربازدارى بٸردە-بٸر HIMARS جوعالتپاعانىن العا تارتىپ, شويگۋدىڭ سٶزٸن جوققا شىعاردى.
