20 shildede memlekettik orman qory aýmaǵynda 55 orman órti tirkeldi, dep habarlaidy dalanews.kz.
Órtterdiń eń kóbi "Semei ormany" memlekettik orman tabiǵi rezervatynda tirkelip, onda 41 órt oshaǵy anyqtaldy. "Ertis ormany" MOTR aýmaǵynda 9 orman órti, Shyǵys Qazaqstan oblysynda 3 orman órti, "Naýryzym" memlekettik tabiǵi qoryǵynda jáne "Baianaýyl" memlekettik ulttyq tabiǵi parkinde bir-birden tirkeldi.
"Órtterdiń negizgi sebebi - naizaǵai. Bir mezgilde kóptegen órt oshaǵy paida bolǵanyna qaramastan, orman kúzeti qyzmetkerleri olardy sóndirý jumystaryna dereý kiristi. Naqtylanǵan jedel málimetke sáikes 45 orman órti tolyq sóndirildi, 8 órt oqshaýlandy. Qalǵan 2 órt oshaǵy toqtatylyp, jaǵdai tolyq baqylaýǵa alyndy", - dedi Ekologiia ministrligi ókilderi.
