Búginde el ishinde bir saǵattyq ýaqyt beldeýine qatysty qyzý pikir-talas júrip jatqany belgili. Dál osy máselege qatysty áleýmettik jelide negizsiz áńgimeler kóp aitylýda. Osy rette Dalanews.kz aqaparattyq agenttigine H.Dosmuhamedov atyndaǵy Atyraý ýniversitetiniń geografiia jáne týrizm kafedrasynyń aǵa oqytýshysy Arman Jumaǵaziev oiyn ortaǵa salyp, pikir bildirdi. Endi bilikti mamannyń oi-paiymyna nazar aýdarsańyzdar.
– Ótken jyly naýyryz aiynan bastap keń baitaq Qazaq jeri bir saǵattyq ýaqyt beldeýine kóshkeni barshaǵa málim. Bul – ǵylymi ortada bir saǵattyq ýaqyt beldeýi UTC−5 dep talady. 24 saǵatqa bólip qaraǵanda bul jer sharynyń 67-82 gradýstyq boilyǵyn qamtidy.
Dál osy boiylyqta Qazaqstan turǵyndarynyń 76 paiyzy mekendeitinin eskersek, bul elimiz úshin tiimdi ýaqyt beldeýi ekenin baiqaýǵa bolady. Bir sózben aitsaq, osy ýaqyt beldeýine kóshkennen keiin el azamattarynyń jumys ónimdiligin arttyryp, ýaqyt tiimdi paidalana bastaǵan.
Keibir adamdardyń dál osy máseleni áńgime qylyp, sóz qýyp júrgeni maǵan túsiniksiz. Iá, dál osy máselege qatysty qoǵamda birqatar suraqtardyń týyndap jatqanynan habardarmyn.
Aitalyq, jelide otyryp dálelsiz, dáieksiz áńgime aitatyndar «bir saǵattyq ýaqyt beldeýi el azamattarynyń densaýlyǵyna keri áser etip, halyqtyń elektr qýatyn shamadan tys paidalanýyna ákep soqty» dep áńgime aityp júrgenin qulaǵym shalyp qaldy. Biraq bilikti mamandar elimiz bir saǵattyq ýaqyt beldeýine kóshý el azamattarynyń densaýylǵyna keri áser etti degen sózdiń eshqandai qisynǵan kelmeitinin áldeneshe ret aitty. Sol siiaqty elektr qýatyn burynǵydan kóbirek tutyndyq degen de bos sóz.
Qaita bir saǵattyq ýaqyttyq beldeýine kóshýdiń ekonomikalyq tiimdiligin kóre bastadyq. Qazir elimizdiń barlyq jerinde jumys ýaqyty bir sátte bastalyp, bir ýaqyttasátte aiaqtalady.
Sonymen qatar qarjy, bank jáne transport salasy úshinde dál osy bir saǵattyq ýaqyt beldeýi tiimdiligin kórsetýde. Qazir jolaýshylardyń burynǵydai ushaq pen poiyzdan keshigýi de kúrt tómendegen. Halyq bir saǵattyq ýaqyt beldeýiniń osyndai tiimdi tustaryn kórip otyrmyz, – dep bilikti maman Arman Zakariiauly oiyn aityp berdi.
