QMDB Aqtóbe qalasyndaǵy meshitte Emmanýelle Naýryzbaeva esimdi qyzǵa qatysty bolǵan keleńsiz jaǵdaidan keiin resmi málimdeme jasady, dep habarlaidy Dalanews.kz.
Mýftiiattyń Facebook-tegi resmi paraqshasynda jariialanǵan málimdemede meshittiń ǵibadat pen rýhani tárbie orny ekeni, ondaǵy árbir adamnyń adamgershilik normalaryn saqtaýǵa mindetti ekeni aitylǵan.
"Islam dininde dórekilikke, ásirese, áiel adamdarǵa qatysty ádepsiz sózder men orynsyz áreketterge jol berilmeidi jáne mundai qylyqtar qatań túrde aiyptalady. Aqtóbedegi meshitte qyz balaǵa qatysty dóreki sóz aityp, ádepsizdik tanytqan azamattyń áreketin Qazaqstan musylmandary dini basqarmasy úzildi-kesildi aiyptaidy. Mundai áreketter islam qundylyqtaryna ǵana emes, jalpy adamzattyq moraldyq-etikalyq qaǵidalarǵa qaishy", – delingen QMDB málimdemesinde.
Sonymen qatar, mýftiiat barlyq musylman qaýymyn sabyrly bolýǵa, aqylǵa júginýge jáne rastalmaǵan aqparattardy taratpaýǵa shaqyrdy.
Aita keteiik, buǵan deiin QMDB qoǵamdyq oryndarda niqab kiiýge qatysty resmi pikir bildirip, munyń orynsyz ekenin atap ótken edi.
