Shymkent qalalyq bilim basqarmasyna qarasty №90 daryndy balalarǵa arnalǵan mamandandyrylǵan mektep-gimnaziiasy memlekettik satyp alý josparynda 2,7 mln biýdjet qarajatyna 20 dop almaqshy bolǵan.
Taýardyń árbir birligi 2-den 10 esege deiin asyra baǵalanyp kórsetilipti.
– Memlekettik mekeme basketbol dobyn 232 myń teńgege, al voleibol dobyn 42 myń teńgege satyp alýdy josparlaǵan, – dedi QR Sybailas jemqorlyqqa qarsy is-qimyl agenttiginiń Shymkent qalasy boiynsha departamentiniń basshysy Dáýren Erǵarin óziniń Feisbýktaǵy paraqshasynda.
Budan keiin departament qyzmetkerleri memlekettik satyp alýdy uiymdastyrýshynyń atyna jospardyń tarmaǵyn qaita qaraý týraly usynys hat joldady. Nátijesinde 2,2 mln teńgeden astam qarjy únemdeldi.
– Aita keteiik, biýdjet qarajatyn únemdeý maqsatynda Sybailas jemqorlyqqa qarsy qyzmet satyp alý naryǵynyń ashyqtyǵy men qoljetimdiligin arttyratyn «Biryńǵai satyp alý terezesi» veb-portalyna únemi monitoring júrgizedi, – dedi Dáýren Erǵarin.
