Memlekettik tildiń qoldaný aiasyn keńeitý jáne ony damytý, ári qazaq tili men ádebieti pánderi boiynsha daryndy oqýshylardy anyqtaý, qazaq tilinde án aitý, mánerlep oqý, ǵylymi jumys qorǵaý, shyǵarmashylyq qabiletin kórsetý arqyly Qazaqstannyń jarqyn bolashaǵy úshin aianbai qyzmet etetin jastarǵa qoldaý kórsetýdi maqsat tutqan jobaǵa jyl saiyn 5000-nan astam oqýshy qatysady. Joba bastalǵaly olardyń 160-y aldyńǵy qatarly JOO-da bilim alýlaryna múmkindik beretin bilim granttaryna ie boldy.
Sharany A.Baitursynov atyndaǵy Til bilim institýtynyń direktory Erden Qajybek pen Bilim-innovatsiia halyqaralyq qoǵamdyq qorynyń prezidenti Darhan Óte quttyqtaý sózben ashty. Darhan Óte bul jobanyń ereksheligi, oqytý tiline qaramastan, memlekettik jáne memlekettik emes jalpy bilim beretin mektepterdiń, litseilerdiń, gimnaziialardyń arasynda elimizdiń barlyq oblystarynan kelgen 7-11 synyp oqýshylary óz bilimderi men talanttaryn ortaǵa salyp, 5 baǵyt boiynsha ózara saiysqa túsetinin tilge tiek etti.
«Bul sharany uiymdastyrýdaǵy basty maqsat – ózge ult ókilderiniń memlekettik tilge yntasyn arttyra otyryp, ulttyq qundylyqtarymyzdy boiyna sińirý» dedi D.Óte.
Biyl da olimpiadaǵa elimizdiń túkpir-túkpirinen 5000-ǵa jýyq oqýshy qatysyp, solardyń 200-den astamy respýblikalyq kezeńge ótip, baq synady. Jarys qorytyndysy boiynsha 1-orynǵa «Jas ǵalymdar» baǵyty boiynsha Týral Mamedov, Dana Ýrazova, «Sóz sheberleri» baǵyty boiynsha Irina Novitskaia, Batyrlan Serikbai, «Jazýshylar» baǵyty boiynsha Gúlbahram Aznibakieva, Bekseit Qadyrbai ie boldy. Nargiz Ahmedova, Hasan Sidikov «Ánshi-bulbuldar» baǵyty boiynsha úzdikter qatarynan kórinse, «Tilshi-ádebietshiler» baǵytynan Dilnora Artikbaeva, Dana Erǵaliqyzy top jardy. Jarys nátijesi boiynsha eń kóp júldege ie bolǵan úzdik komandalar da anyqtaldy. 1-oryndy Ońtústik Qazaqstan oblysy enshilese, 2-oryn – Almaty qalasyna, 3-oryn Jambyl oblysyna berildi.
«Jarqyn bolashaq» qazaq tili olimpiadasynyń ótkizilýine Súleimen Demirel ýniversiteti jan-jaqty qoldaý kórsetip, arnaiy bilim granttaryn jyl saiyn bólip keledi. Biyl da dástúrge ainalǵan bul úrdis jalǵasyn tapty. Súleimen Demirel ýniversitetiniń Birinshi prorektory Saltanat Ámirǵalieva barlyq qatysýshylardy quttyqtap, bul sharanyń memlekettik tilge degen qurmetti arttyra túsetinin basa aitty. Sonymen 18 oqýshy joǵary oqý oryndarynyń granttaryna ie boldy.
Shara barysynda Bilim jáne ǵylym Ministrliginiń jáne de Bilim innovatsiia halyqaralyq qoǵamdyq qorynyń qoldaýymen «Bilimdige dúnie jaryq» atty respýblikalyq jas aqyndar aitysynyń dúldúlderi Talǵat Myqi men Áset Dúisebaev ónerlerin ortaǵa saldy.
