Shahardaǵy I.Jýrba atyndaǵy jalpy orta mektebinde ótken saltanatty sharaǵa Túrkistan oblysy ákiminiń orynbasary Sáken Qalqamanov, «Samuryq-Qazyna» jyljymaıtyn múlik qory» AQ Basqarma tóraǵasy Arman Jetpisbaev qatysty. Búgin Arys qalasy boıynsha 2500-ge jýyq oqýshy 1 synyp tabaldyryǵyn attasa, Túrkistan oblysy kóleminde 1 synypqa 56 506 baldyrǵan bardy. Oblysta jalpy sany 488 520 oqýshy mektepte bilim alady . Aıta keterligi, oblysta 1 qyrkúıekte jańadan 7 mektep ashylsa, jyl sońyna deıin 15 mektep paıdalanýǵa beriledi.
Aıta keterligi, Arys qalasyndaǵy áleýmettik nysandardy qalpyna keltirý jumystarymen "Samuryq - Qazyna" UÁQ " AQ aınalysýda. Óńirdegi 16 orta mektepti 100 paıyz qalpyna keltirip, oqý jylyna daıyndap úlgerdi.Búgingi tańda Arys qalasynda qor qalpyna keltiretin 68 áleýmettik ınfraqurylym nysandarynyń 63 nysany paıdalanýǵa berilgen. Qaıta qalpyna keltirilgen qalǵan 5 nysan qyrkúıek jáne qazan aılarynda tapsyrylatyn bolady.
Túrkistan oblysy ákiminiń baspasóz qyzmeti
