Elbasy Joldaýynda pedagogıkalyq quramnyń sapasyn arttyrý mańyzdylyǵyn, bazalyq pedagogıkalyq bilim berý standarty men mektep jáne joǵary oqý oryndary oqytýshylarynyń biliktilikterin arttyrý talaptaryn kúsheıtý, sıfrlandyrý qajettiligin atap ótken. Joldaýdaǵy mindetterdi oryndaý barysynda biliktilikti arttyrý júıesin modernızasıalaýǵa baǵyttalǵan mańyzdy tyń jumystar atqarylyp jatyr.



Oqytýshylar qaýymynyń biliktiligin arttyrýdyń basty maqsaty mektepterdegi bilim maz­muny­nyń jańartylǵan formattaǵy baǵdarlama­larymen jáne álemdik talaptarǵa saı oqy­tý tehnologıalarymen jumys júrgize ala­tyn, komandalyq jumystarda kósh­bas­shy­lyqqa umtylǵan, ózindik tujyrymy qal­yp­tas­qan kásibı qu­zyrettilik pen daǵdyǵa ıe, ulttyq qundy­lyq­­tardy boıyna sińirgen kásibı pedago­gıka­lyq quramdy jasaqtap shyǵarý. Osy qasıetterdi boıyna sińirgen mektep oqytýshylarynan tárbıelengen shákirt básekege qabiletti.

Bilim berýdiń irgetasy mektep qabyrǵasynda qalanady. Sondyqtan Elbasynyń mektep oqytýshylarynyń mártebesin kóterýdegi bastamalary biz úshin qýantarlyq jaǵdaı. Bastaýysh synyp muǵalimderi 2016 jyl­dan bastap jańartylǵan formattaǵy jumysqa kiris­ip, qazirgi ýaqytta jańartylǵan baǵdar­la­ma boıynsha bastaýysh sy­nyp muǵalimderi biliktilikti arttyrý kýrs­tary­nan ótip, sheberlikterin shyńdaýda.

Biz jahandaný áleminde ómir súrip ja­tyrmyz. Jyl saıyn bilimniń jańa túri ómir­ge kelip, aqparattar jańa aǵynmen toly­ǵýda. Qazaqstandaǵy bilim berý júıesi, sonyń ishinde biliktilikti arttyrý júıesi ýaqyt kó­shi­nen qalmaı, zaman aǵymymen júrýde. Zamanaýı jańarýlardy oń  qabyldap, bilim maz­munynyń jańarýyn da osy sıaqty qa­byldaı bilýimiz qajet.
Bilim berý saıasatyndaǵy ózekti pozısıany quraıtyn muǵalim­derdiń biliktiligin arttyrý máselesi memleket tarapynan qoldaý taýyp otyr. Elbasynyń qoldaýymen muǵalimder sapaly kýrstarmen qamtamasyz etilip, mektep ustazdary jańashyldyqpen tájirıbe almasýda.
Jańa bilim mazmuny jolynda eńbek etý ońaı emes. Biraq jańa júıe bizdiń eńbek jolyndaǵy jetistigimizge sebepshi. Mektep qabyrǵasynda kún saıynǵy shyǵarmashylyq atmosferasyn qurý, maqsat qoıý jáne sol maqsatqa jetýde jan aıamaı ter tókken muǵalimder qaýymyna qurmetpen qaraýymyz qajet. Elimiz ozyq ózgeristerden qalyp qoımaýy úshin Tórtinshi ónerkásiptik revolúsıanyń qamtyp otyrǵan qadamdary óte mańyzdy dep sanaımyn. Biz memleket tarapynan beriletin bul múmkindikterdi tıimdi paıdalanyp, bolashaq jastarymyzdyń tulǵa bolyp qalyptasýyna yqpal bolý kerekpiz.

Salamat Omarova,  №141 jalpy bilim beretin mektebiniń bastaýysh synyp muǵalimi

Almaty qalasy