Bul mamandyq ieleri memlekettik mekemelerde, zań organdarynda, túrli uiymdarda, shaǵyn firmalarda, kásiporyndarda, kommertsiialyq jáne qoǵamdyq qurylymdarda aýadai qajet.
Zań salasynda bilikti maman daiarlaý jolynda ál-Farabi atyndaǵy QazUÝ-dyń zań fakýlteti taptyrmas oqý orny.
Bolashaq zańgerlerdi daiyndaityn fakýltetimizge osy jyly 70 jyl tolady.Osy jyldar ishinde fakýltet- myqty oqytýshylar quramyn jasaqtap,elimizdiń atyn shyǵaryp júrgen mamandardy daiarlap shyǵardy.
Zań fakýltetiniń damýynyń barlyq kezeńderinde onyń qyzmeti Qazaqstannyń qoǵamdyq ómirimen, elimizdiń ekonomikasynyń qajettiligimen, quqyq salasyndaǵy joǵary bilikti ǵylymi, tájiribeli kadrlarmen qanaǵattandyrýymen tyǵyz bailanysta bolǵanyn aita ketken jón. Zań ǵylymy, quqyqtaný, zań ilimi – quqyqty áleýmettik normalardyń erekshe júiesi retinde zerdeleitin jáne quqyqty qoldaný qyzmetiniń alýan túrli qyrlaryn zertteitin qoǵamdyq ǵylym. Fakýltettiń maqsaty – memlekettik-quqyqtyq máselelerdi sheshýge qabiletti, biliktiligi joǵary zań salasyna maman daiarlaý,elimizdiń qoǵamdyq ómiri men ǵylymyna, ekonomikanyń mańyzdy baǵyttarynyń qarqyndy damý máselelerin sheshýge baǵyttalǵan zamanaýi, joǵary bilimdi, básekege qabiletti mamandar býynyn qalyptastyrý. Ýniversitette bilim berý isi reformaǵa sáikes,oqytýdyń kredittik júiesi tolyq kúshine engen, oqý úderisiniń ashyqtyǵy, bilim alýshylardyń akademiialyq biliktiligi, «bakalavr – magistr – PhD» túrinde úsh satyly mamandar daiyndaý qamtamasyz etilgen. Ýniversitettiń jańa damý kezeńinde ál–Farabi atyndaǵy QAZUÝ-dyń bilim reformalaryna sáikes ózgerister engizip,sheteldik ýniversitettermen tyǵyz qarym-qatynas ornatyp,shákirt tárbieleý jolynda ustazdarymyz aianbai eńbek etýde.
Zańger mamandyǵyn tańdap qana qoimai ony bar jan-tánińmen qyzyǵyp izdenip, jumys jasaý ár túlektiń Otan aldyndaǵy paryzy dep bilemin. Sebebi,zań salasy adam ómiriniń kepili ispettes. Shynaiy jáne ádiletti sheshimder qabyldaýǵa,tártip ornatýǵa,adam ómiriniń qaýipsizdigine tikelei jaýapty shákirtterimizge qoǵam aldynda artylar mindette mol.Qoryta kelgende memleket aldynda, Ata zańymyz aldynda jaýapkershilikti seziný kerek, zańger mamandyǵyn tańdaý adam boiyndaǵy patriottyq sezimdi arttyrýǵa múmkinshilik beredi. Basty mindet- árbir bolashaq zańger daiyndaýda, jaqsy maman bolyp shyǵý úshin tynbai eńbek etip,izdenip, sapaly bilim berý bizdiń úlken mindetimiz.
Tilepbergenov O.N.
Ál-Farabi atyndaǵy QazUÝ Zań fakýlteti qylmystyq quqyq, qylmystyq is júrgizý jáne kriminalistika kafedrasynyń aǵa-oqytýshysy,zań ǵylymdarynyń kandidaty
El-tutqa stýdentter klýbynyń jetekshisi
