Onyń aitýynsha Túrkistan óńirinde halqy tyǵyz ornalasqan aýyldar jumys tapshy, sonyń saldarynan týyndaityn áleýmettik máseleler de kóbeiýde. Óńirlik partiia filialy tóraǵasynyń birinshi orynbasary osy oraida Sairam aýdany, Qarabulaq aýylyn mysalǵa keltirgen eken.
"Elimizdegi xalqy eń tyǵyz ornalasqan aýyl - Qarabulaq. Alaqandai aýmaqta 60 myńnan astam turǵyn tirshilik keship jatyr.
Al Soltústik Qazaqstan oblysy M.Jumabaev aýdanynda 16 myń adam turady. Beinelep aitqanda 4 aýdannyń xalqy Sairam aýdanyndaǵy 1 aýylda ǵana ómir súrýde.
Partiia filialy nasixattaýǵa kóshken "Eńbek" baǵdarlamasyn túsindirý úshin ózbek aǵaiyndar toptasqan osy Qarabulaq aýylyna arnaiy bardyq. Bul joba bastalǵan tórt jylda oblysymyzdan soltústikke 881 otbasy-3377 adam kóshipti. Alaida aralarynda qarabulaqtyq eshkim joq.
Munda bir shańyraqta syǵylysyp 3-4 otbasy ornalasqan.
Aýylda sońǵy jyldary turmystyq qylmys pen daý kóbeigen. Jumys bolsa da tapshy. Mal, jer sharýashylyǵymen kúneltýde. Onyń ózine barlyǵyna igeretin jer jetpeidi. Osylai qinalǵansha soltústikke nege kóshpeske?!
Negizinen qarabulaqtyń turǵyndary qarsy emes, tek baǵdarlamany túsindirý jaǵy kemshin. Endi aýylda turaqty túrde keńes berý júrgiziledi. Al birden iske kirisken oblys depýtaty J.Aǵabekov 20 qyrkúiek kúni turǵyndarǵa kóshetin óńirlerdi kórip aralap qaitý úshin bir avtobýs shyǵaratyn boldy. Jolaqy tegin.
Jer men mal sharýashylyǵyna epti eldiń bos jatqan óńirlerdi igerýi qajet-aq. Ol jaqtaǵy jumys kúshiniń tapshylyǵy da joǵary bolyp tur. Assambleiany qatarymyzǵa tartyp, barlyq etnos ókilderin "Eńbek" baǵdarlamasyna qatystyrýdy kózdeýdemiz. Bul bastama turǵyndary tyǵyz qonystanǵan Túrkistan aimaǵy úshin óte tiimdi bolary anyq", – deidi Beisen Tájibaev.
