25 tamyzda Beijińde ShYU-nyń gýmanitarlyq almasý-2025 boiynsha «Úilesimdilik pen birlik: bolashaqty birge jasaimyz» forýmy ótti. Forým jumysyna Qazaqstan Prezidenti Teleradiokesheni delegatsiiasy qatysty,- dep habarlaidy Dalanews.kz
Is-sharada BAQ-tyń Shanhai Yntymaqtastyq Uiymynyń gýmanitarlyq kún tártibin ilgeriletýdegi, elder arasyndaǵy uzaq merzimdi áriptestik pen ózara túsinistikti nyǵaitýdaǵy róli talqylandy. Jasandy intellekt, úlken derekter jáne zamanaýi kommýnikatsiialardy ózgertetin mýltimediialyq formattardy qosa alǵanda, jańa tehnologiialarǵa erekshe nazar aýdaryldy.
Forýmda «Silk Way Star» halyqaralyq mýzykalyq shoýynyń ashylý saltanaty ótti. Esterińizge sala keteiik, bul QR Prezidenti TRK men Qytai CMG media korporatsiiasynyń birlesken jobasy.
Media forým jumysyna qatysqan QKP OK nasihattaý bóliminiń meńgerýshisi Li Shýlei shaǵyn quramdaǵy kezdesýde «Silk Way Star» jobasynyń aýqymy Qazaqstan men Qytaidyń mádeni-gýmanitarlyq yntymaqtastyǵynyń strategiialyq deńgeiin kórsetetinin atap ótti. Sondai-aq jobaǵa sáttilik tiledi.
– «Silk Way Star» mádeni birliktiń jańa platformasyna ainaldy. Bul – talanttardy, elder men halyqtardy biriktiretin, senim men shabyt kópirin quratyn joba, - dep atap ótti QR Prezidenti Teleradiokesheniniń direktory Raýshan Qajybaeva.
CMG basshysy Shen Haisiýn R.Qajybaevamen kezdesýde mýzykalyq shoýdyń birinshi maýsymy Qytaidyń CCTV-3 otbasylyq oiyn-saýyq telearnasynda kórsetiletinin atap ótti. Sondai-aq ekinshi maýsymdy Qytaida túsirý nietin rastady.
Media forýmnyń qorytyndysyn talqylai otyryp, qatysýshylar ShYU Sammiti qarsańynda onyń mańyzyn atap ótip, uiymǵa qatysýshy elderdiń mádeni-gýmanitarlyq yntymaqtastyǵyn odan ári keńeitý úshin «Silk Way Star» jobasynyń rólin atap ótti.
Esterińizge sala keteiik, «Silk Way Star» jobasyna 12 el – Ázerbaijan, Armeniia, Grýziia, Úndistan, Qazaqstan, Qytai, Qyrǵyzstan, Mońǵoliia, Tájikstan Túrikmenstan, Ózbekstan jáne Ońtústik Koreia ókilderi qatysyp jatyr.
Mýzykalyq shoýdyń túsirilimi 2025 jyldyń 26 tamyzynda bastalady. Úlken final 22 qarashada «Jibek Joly/ Silk Way» telearnasynyń tikelei efirinde jáne qatysýshy elderdiń jetekshi telearnalarynda ótedi.
«Silk Way Star» – jai ǵana mýzykalyq joba emes, milliondaǵan kórermenderdi biriktiretin jáne óńirdiń biryńǵai media keńistigin quratyn Eýraziianyń jańa mádeni brendi.
Aita keteiik, halyqaralyq «Silk Way Star» baiqaýynyń 12 qatysýshysy túgel Astanaǵa keldi.
Baiqaýǵa Qazaqstan atynan ánshi Alem óner kórsetetin boldy.
