25 تامىزدا بەيجٸڭدە شىۇ-نىڭ گۋمانيتارلىق الماسۋ-2025 بويىنشا «ٷيلەسٸمدٸلٸك پەن بٸرلٸك: بولاشاقتى بٸرگە جاسايمىز» فورۋمى ٶتتٸ. فورۋم جۇمىسىنا قازاقستان پرەزيدەنتٸ تەلەراديوكەشەنٸ دەلەگاتسيياسى قاتىستى,- دەپ حابارلايدى Dalanews.kz
ٸس-شارادا باق-تىڭ شانحاي ىنتىماقتاستىق ۇيىمىنىڭ گۋمانيتارلىق كٷن تەرتٸبٸن ٸلگەرٸلەتۋدەگٸ, ەلدەر اراسىنداعى ۇزاق مەرزٸمدٸ ەرٸپتەستٸك پەن ٶزارا تٷسٸنٸستٸكتٸ نىعايتۋداعى رٶلٸ تالقىلاندى. جاساندى ينتەللەكت, ٷلكەن دەرەكتەر جەنە زاماناۋي كوممۋنيكاتسييالاردى ٶزگەرتەتٸن مۋلتيمەدييالىق فورماتتاردى قوسا العاندا, جاڭا تەحنولوگييالارعا ەرەكشە نازار اۋدارىلدى.
فورۋمدا «Silk Way Star» حالىقارالىق مۋزىكالىق شوۋىنىڭ اشىلۋ سالتاناتى ٶتتٸ. ەستەرٸڭٸزگە سالا كەتەيٸك, بۇل قر پرەزيدەنتٸ ترك مەن قىتاي CMG مەديا كورپوراتسيياسىنىڭ بٸرلەسكەن جوباسى.
مەديا فورۋم جۇمىسىنا قاتىسقان قكپ وك ناسيحاتتاۋ بٶلٸمٸنٸڭ مەڭگەرۋشٸسٸ لي شۋلەي شاعىن قۇرامداعى كەزدەسۋدە «Silk Way Star» جوباسىنىڭ اۋقىمى قازاقستان مەن قىتايدىڭ مەدەني-گۋمانيتارلىق ىنتىماقتاستىعىنىڭ ستراتەگييالىق دەڭگەيٸن كٶرسەتەتٸنٸن اتاپ ٶتتٸ. سونداي-اق جوباعا سەتتٸلٸك تٸلەدٸ.
– «Silk Way Star» مەدەني بٸرلٸكتٸڭ جاڭا پلاتفورماسىنا اينالدى. بۇل – تالانتتاردى, ەلدەر مەن حالىقتاردى بٸرٸكتٸرەتٸن, سەنٸم مەن شابىت كٶپٸرٸن قۇراتىن جوبا, - دەپ اتاپ ٶتتٸ قر پرەزيدەنتٸ تەلەراديوكەشەنٸنٸڭ ديرەكتورى راۋشان قاجىباەۆا.
CMG باسشىسى شەن حايسيۋن ر.قاجىباەۆامەن كەزدەسۋدە مۋزىكالىق شوۋدىڭ بٸرٸنشٸ ماۋسىمى قىتايدىڭ CCTV-3 وتباسىلىق ويىن-ساۋىق تەلەارناسىندا كٶرسەتٸلەتٸنٸن اتاپ ٶتتٸ. سونداي-اق ەكٸنشٸ ماۋسىمدى قىتايدا تٷسٸرۋ نيەتٸن راستادى.
مەديا فورۋمنىڭ قورىتىندىسىن تالقىلاي وتىرىپ, قاتىسۋشىلار شىۇ سامميتٸ قارساڭىندا ونىڭ ماڭىزىن اتاپ ٶتٸپ, ۇيىمعا قاتىسۋشى ەلدەردٸڭ مەدەني-گۋمانيتارلىق ىنتىماقتاستىعىن ودان ەرٸ كەڭەيتۋ ٷشٸن «Silk Way Star» جوباسىنىڭ رٶلٸن اتاپ ٶتتٸ.
ەستەرٸڭٸزگە سالا كەتەيٸك, «Silk Way Star» جوباسىنا 12 ەل – ەزەربايجان, ارمەنييا, گرۋزييا, ٷندٸستان, قازاقستان, قىتاي, قىرعىزستان, موڭعولييا, تەجٸكستان تٷرٸكمەنستان, ٶزبەكستان جەنە وڭتٷستٸك كورەيا ٶكٸلدەرٸ قاتىسىپ جاتىر.
مۋزىكالىق شوۋدىڭ تٷسٸرٸلٸمٸ 2025 جىلدىڭ 26 تامىزىندا باستالادى. ٷلكەن فينال 22 قاراشادا «Jibek Joly/ Silk Way» تەلەارناسىنىڭ تٸكەلەي ەفيرٸندە جەنە قاتىسۋشى ەلدەردٸڭ جەتەكشٸ تەلەارنالارىندا ٶتەدٸ.
«Silk Way Star» – جاي عانا مۋزىكالىق جوبا ەمەس, ميلليونداعان كٶرەرمەندەردٸ بٸرٸكتٸرەتٸن جەنە ٶڭٸردٸڭ بٸرىڭعاي مەديا كەڭٸستٸگٸن قۇراتىن ەۋرازييانىڭ جاڭا مەدەني برەندٸ.
ايتا كەتەيٸك, حالىقارالىق «Silk Way Star» بايقاۋىنىڭ 12 قاتىسۋشىسى تٷگەل استاناعا كەلدٸ.
بايقاۋعا قازاقستان اتىنان ەنشٸ Alem ٶنەر كٶرسەتەتٸن بولدى.
