Zańda beibit jinalystardy ótkizýdiń habarlamalyq jáne reglamenttelgen tártibi kózdelgen.
Birinshi jaǵdaida jinalystardy, mitingiler men piketterdi uiymdastyrýshy ótkiziletin kúnine deiin 5 jumys kúninen keshiktirmei olardyń ótkiziletini týraly jergilikti atqarýshy organdy aldyn ala habardar etý kózdelgen, al demonstratsiia men sherý ótkizý úshin is-sharany uiymdastyrýshy ótinishter ótkiziletin kúnge deiin 10 jumys kúninen keshiktirilmeitin merzimde olardy jiberýge tiis.
«Qazaqstan Respýblikasynda beibit jinalystardy uiymdastyrý jáne ótkizý tártibi týraly» Zańnyń 5-babynyń 4-tarmaǵyna sáikes beibit jinalystardy uiymdastyrýshy nemese uiymdastyrýshynyń ókili bolmaǵan kezde beibit jinalystar ótkizýge jol berilmeidi.
Beibit jinalystardy uiymdastyrý jáne ótkizý zorlyq-zombylyqsyz sipattaǵy, zańdylyq, memlekettik qaýipsizdikti, qoǵamdyq tártipti qamtamasyz etý, densaýlyq saqtaý, basqa adamdardyń quqyqtary men bostandyqtaryn qorǵaý, qatysý eriktiligi, beibit jinalystardy ótkizý paidasyna prezýmptsiia, taraptardyń jaýapkershiligi qaǵidattaryna negizdelýi tiis.
Sońǵy jyldary internet keńistiginde azamattardy habarlamalar men beinerolikterdi taratý arqyly zańsyz aktsiialarǵa qatysýǵa shaqyrý jiilep, azamattardy zańdy buzýǵa itermeleitini qupiia emes.
Beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly zańdardy buzý, ony uiymdastyrýshylardyń jáne qatysýshylardyń Ákimshilik quqyq buzýshylyq týraly Qazaqstan Respýblikasy Kodeksiniń 488 - babymen ákimshilik jaýapkershilikke jáne Qazaqstan Respýblikasynyń Qylmystyq kodeksiniń 400 - babymen qylmystyq jaýapkershilikke ákelip soǵýy múmkin.
Osyǵan bailanysty Almaty oblysynyń prokýratýrasy qoldanystaǵy, sonyń ishinde Qazaqstan Respýblikasynda beibit jinalystardy uiymdastyrý men ótkizýdi retteitin zańnama normalaryn múltiksiz saqtaýǵa shaqyrady.
