Atyraý qalasyndaǵy "Kóktem" shaǵyn aýdanynyń turǵyndary birneshe jyldan beri qurylysy aiaqtalmaǵan mekteptiń máselesin kóterdi. Olardyń aitýynsha, bilim ordasynyń qurylysy bastalǵanyna tórt-bes jyl bolǵanymen, nysan áli paidalanýǵa berilmegen, dep habarlaidy dalanews.kz.
Buǵan deiin qalalyq qurylys basqarmasy mektepti byltyr jeltoqsan aiynda ashýǵa ýáde bergen. Alaida qurylys belgilengen merzimde aiaqtalmaǵan.
"Mektep biylǵy jańa oqý jylynda da ashylmaityn boldy. Mekteptiń salynyp jatqanyna besinshi jyl boldy. Biraq áli qurylysy aiaqtalǵan joq", - deidi turǵyndardyń biri.
Jergilikti halyq qurylys jumystarynyń nelikten uzaqqa sozylǵanyn túsindirýdi jáne mekteptiń naqty qashan paidalanýǵa beriletinin habarlaýdy talap etti.
