Abai oblysynyń ákimi Berik Ýáli shet eldik investorlarmen kezdesti. Túrkiianyń «Miryidiz Mining» kompaniiasynyń ókilderi «Janan» jobasyn tanystyrdy, dep habarlaidy Dalanews.kz
Shet eldik kompaniia oblys aýmaǵynda taý-ken baiytý kombinatyn salýdy josparlap otyr. Investitsiia kólemi 482 million AQSh dollaryn quraidy.
Investorlar ótken jyly oblysqa zańdy tulǵa retinde tirkelgen. Tiisti barlaý jumystaryn júrgizip, óndiristik nysandarǵa qajet jabdyqtardy satyp alǵan. Kompaniia ókilderi oblys ákimine jumysty bastaýǵa daiyn ekenin, tek jerdi rásimdeýge bailanysty qiyndyqtar týyndap otyrǵanyn jetkizip, kómek kórsetýdi surady.
Aimaq basshysy óndiristik jobanyń oblys ekonomikasy úshin mańyzy joǵary ekenin atap ótti.
«Bul bizdiń oblys úshin úlken investitsiia. Joba júzege asqanda 2 myńǵa jýyq jumys oryndary ashylady. Biznestiń áleýmettik jaýapkershiligi aiasynda óńirge áleýmettik nysandar salýǵa shaqyramyz. Biz sizderdi barlyq jaǵynan qoldaýǵa daiynbyz. Qujat rásimdeýge bailanysty kedergilerdi sheshý joldaryn qarastyramyz. Kómektesemiz», - dedi oblys ákimi.
Investorlar aimaq basshysynyń usynysyn qoldap, joba júzege assa mektep, aýrýhana sekildi nysandardy salýǵa daiyn ekenin bildirdi.
Aita keteiik, 1997 jyly negizi qalanǵan «Miryidiz Mining» kompaniiasy taý-ken óndirisimen, energetika salasymen shuǵyldanady. Túrkiia men Afrika memleketterinde ken barlaý jumystarymen ainalysady. Kompaniia jylyna 1 million tonnaǵa jýyq mys óndiredi.
