Qazaqstandaǵy aqparat quraldary Qasym-Jomart Kemelulynyń árbir resmi kezdesýin qalt jibermei habar taratqany belgili. Óz kezeginde jurt ta demin ishke tartyp, Memleket basshysynyń árbir kezdesýdegi sózine nazar aýdaryp, qulaq qoiyp tyńdady desek bolady.
– BUU Bas Assambleiasynyń sessiiasy dúniejúzi elderi basshylarynyń bári bas qosatyn mańyzdy shara. Bul joly da ádettegidei, sessiia jumysyna saiasatkerler, iri kásipkerler, bedeldi ǵalymdar men sarapshalar da qatysty. Sonymen qatar Qasym-Jomart Kemeluly BUU Bas Assambleiasynyń jumysyna Memleket basshysy retinde alǵash ret qatysqanyn aita ketýimiz kerek.
Sapar barysynda Prezidenttiń jumys kestesi óte tyǵyz boldy. Ár kún saiyn ózge elderdiń basshylarymen ondaǵy kezdesýler ótkizdi. Prezidentimiz sonymen qatar álemniń iri kompaniialarynyń basshylarymen de kezdesip, pikirilesti.
Barlyq mańyzdy kezdesýlerde Qasym-Jomart Kemeluly ózimen kezdesken tulǵalarmen aǵylshyn tilinde erkin pikir almasyp, oiyn ortaǵy saldy. Kezdesýler men kelissózder barysynda Prezidentimiz árbir ǵalymdyq máslelerdi búge-shigesine deiin tereń biletin bilikti saiasatker ekenin kórsetti.
Osylaishy kezdesýlerdiń bári áserli, ári eki jaq úshin timidi ótkenine kýá boldyq, – dep QR Prezidentiniń baspasóz hatshysy ózi kýá bolǵan jaittardy áńgimeledi.
– Qysqa kezdesýlerde Qasym-Jomart Kemeluly Portýgaliia, Rýanda, Latviia prezidentteri, Niderland korli, Grekiia premer-ministri, Frantsiianyń Qarjy ministri jáne kezinde Qazaqstan Prezidentimen BUU-nyń qurylymynda birge jumys istegen áriptesteri arnaiy kelip, Qasym-Jomart Toqaevpen pikirlesip, ózderiniń júrek jardy lebizderin bildirdi.
– Aitýly shara men BUU Bas Assambleiasynyń kezekti jinynda ornaǵan aýarany sózben aityp jetkizý qiyn. BUU-nyń shtab-páterinde Qazaq eliniń belgisi sanalatyn «Altyn adamnyń» kóshirmesin kórgende kez kelgen qazaqstandyqtyń kókiregin maqtanysh sezimi bileitini anyq. BUU-da qalyptasqan jaqsy dástúr bar. Uiymǵa múshe bolǵan árbir memleket óz elin tanytatyn qandaida bir estelik syilyq syilaýy tiis.
Qazaqstan biligi BUU-ǵa Esik qorǵanynan tabylǵan «Altyn adamnyń» kóshirmesin syilaǵan bolatyn. Biz «Altyn adamnyń» BUU tórinde turǵanyn kórip, Qazaq eli álemdik qaýymdastyqtyń ajyrmas bóligine ainalǵanyn kórip, riza boldyq – dep áriptesimiz aitýly jiynnan alǵan áserimen bólisipti.
QR Prezidentiniń baspasóz hatshysy Berik Ýálidiń áńgimesinen Qazaqstan delegatsiiasy úshin BUU Bas Assambleiasynyń 74 sessiiasy tabysty ótkenin baiqadyq.
