Is-shara barysynda elimizdegi iri media holdinginiń basshysy jas mamandarmen óz tájiribesimen bólisip, «Habar» agenttiginiń jumysy týraly baiandady, jastardy shyǵarmashylyq yntymaqtastyqqa shaqyrdy.
Berik Ýáli kezdesýge qur qol kelgen joq. Jýrnalistika fakýltetiniń 12-shi týǵan kúnine orai ótken kezdesýde stýdentterdiń ideialaryn júzege asyrýǵa jáne tájiribe jinaýǵa múmkindik berý úshin ol demeýshilerdiń esebinen satyp alynǵan teledidar kamerasyn syiǵa berdi.
Kezdesý aiasynda «Habar» agenttigi jáne L.N. Gýmilev atyndaǵy Eýraziia Ulttyq Ýniversiteti memorandýmǵa qol qoidy. Bolashaq jýrnalister EL ARNA telearnasynyń efirinde kórsetiletin 10 minýttyq baǵdarlama óndirisine qatysýǵa múmkindik aldy.
