Berezovkadaǵy balalardy emdeýge aqsha talap etti
– Balalardyń aýrýyna Qarashyǵanaq kenishinen shyǵatyn ýly qaldyqtar sebepker bolyp otyr. Biraq ata-analar balalarynyń densaýlyǵyna ziian keltirgeni úshin ne QPO-dan, ne Qazaqstan biliginen áli kúnge deiin eshqandai ótemaqy alǵan emes, – deidi "Balalar, álde munai?" koalitsiiasynyń múshesi Sergei Solianik.
Berezovka aýyly Qazaqstandaǵy eń iri munai ken orny Qarashyǵanaqqa jaqyn jerde ornalasqan. 2014 jyldyń qarasha aiynda aýylda jergilikti mekteptiń 26 oqýshysy jappai ýlanyp, qaita-qaita esterinen tana beretin bolǵan. Aýyl turǵyndary muny munai kenishinen shyǵatyn himiialyq zattarmen bailanystyrady. Al bilik bolsa, balalardyń ýlanýynyń sebebi, mekteptegi ot jaǵatyn oshaqtan gaz shyqqan dep túsindirgen.
2015 jyldyń aiaǵynda bilik Berezovka turǵyndarynyń 82 otbasyn kórshi Aqsai qalasyna kóshirgen. Biraq aýylda áli 372 otbasy turyp jatyr. Bilik olardy biylǵy jyldyń sońyna deiin tolyq kóshiremiz dep otyr.
