– بالالاردىڭ اۋرۋىنا قاراشىعاناق كەنىشىنەن شىعاتىن ۋلى قالدىقتار سەبەپكەر بولىپ وتىر. ءبىراق اتا-انالار بالالارىنىڭ دەنساۋلىعىنا زيان كەلتىرگەنى ءۇشىن نە قپو-دان، نە قازاقستان بيلىگىنەن ءالى كۇنگە دەيىن ەشقانداي وتەماقى العان ەمەس، – دەيدى "بالالار، الدە مۇناي؟" كواليسياسىنىڭ مۇشەسى سەرگەي سوليانيك.
بەرەزوۆكا اۋىلى قازاقستانداعى ەڭ ءىرى مۇناي كەن ورنى قاراشىعاناققا جاقىن جەردە ورنالاسقان. 2014 جىلدىڭ قاراشا ايىندا اۋىلدا جەرگىلىكتى مەكتەپتىڭ 26 وقۋشىسى جاپپاي ۋلانىپ، قايتا-قايتا ەستەرىنەن تانا بەرەتىن بولعان. اۋىل تۇرعىندارى مۇنى مۇناي كەنىشىنەن شىعاتىن حيميالىق زاتتارمەن بايلانىستىرادى. ال بيلىك بولسا، بالالاردىڭ ۋلانۋىنىڭ سەبەبى، مەكتەپتەگى وت جاعاتىن وشاقتان گاز شىققان دەپ تۇسىندىرگەن.
2015 جىلدىڭ اياعىندا بيلىك بەرەزوۆكا تۇرعىندارىنىڭ 82 وتباسىن كورشى اقساي قالاسىنا كوشىرگەن. ءبىراق اۋىلدا ءالى 372 وتباسى تۇرىپ جاتىر. بيلىك ولاردى بيىلعى جىلدىڭ سوڭىنا دەيىن تولىق كوشىرەمىز دەپ وتىر.
