Belgiiadan ákelingen 19 tonnadan asa almurtty Qazaqstanǵa kirgizýge ruqsat berilmegen, dep habarlaidy Dalanews.kz.
Aýyl sharýashylyǵy ministrligi málimetinshe, 19 tonnadan asa almurt fitosanitariia sertifikaty bolmaýyna bailanysty Belgiiaǵa keri qaitarylǵan.
Mańǵystaý oblysynyń Quryq portyna Belgiia koroldiginen jalpy salmaǵy 19,2 tonna almurt partiiasy jetkizilgen. Qujatty tekserý barysynda ónim Qazaqstan aýmaǵyna fitosanitariia sertifikatynsyz ákelingeni anyqtalǵan.
"Ósimdikter karantini salasyndaǵy zańnama talaptary buzylýyna bailanysty importtaýshyǵa ákimshilik aiyppul salynyp, ónimdi eksporttaýshy el Belgiiaǵa qaitarý týraly akt resimdeldi", - dep jazylǵan Aýyl sharýashylyǵy ministrligi habarlamasynda.
