Belgili jýrnalist Gúlmira Nálibai áleýmettik jelidegi paraqshasynda shetel azamattaryna turmysqa shyǵatyn qyzdarǵa qatysty pikir bildirdi, dep habarlaidy dalanews.kz.
Ol mundai nekelerdi áleýmettik jelide keńinen nasihattaýdy toqtatýǵa shaqyryp, bul máseleniń jas urpaq tárbiesine áseri bar ekenin aitty.
"Men qazaq dalasyna úndeý jasaǵym keledi! Ózge ulttyń eteginen ustaǵan qyzdardyń toiyn áleýmettik jelide jariialaýdy doǵaraiyq! Ósip kele jatqan urpaqtyń tárbiesin buzbaiyq! Ketse ketsin, tárbiesiz, teksiz urpaqty kóbeitpeiik! Ózge ulttyń qudalaryn qarsy alyp, toiynda qyzmet etken óner ujymdary, ánshiler, arsyzdardan alǵan aqshańdy al da, elge jariialamai tynysh otyr! Ol jaqsy dúnie emes! Shetelge shyqqan qyz - ulty úshin ólgen qyz!" - dedi ol.
Jýrnalistiń jazbasy jeli qoldanýshylary arasynda qyzý talqylandy. Pikir jazǵandardyń bir bóligi onyń kózqarasyn qoldap, bul qubylysty nasihattaýǵa qarsy ekenin jetkizdi:
- "Durys aitasyń. Bul ultqa maqtanysh emes, qasiret. Tárbie emes, kesir, kesapat. Ultty azdyrý";
- "Óte durys pikir, qoldaimyn. Azamattyǵynan aiyrý kerek";
- "Óte durys, qoldaimyn, sondai soraqylyqty elge jariia etkenderdi de jaýapqa tartý kerek".
