Keshe keshki 21:50 shamasynda KC7326 reisimen Shymkentten Astanaǵa ushyp kelgen belgili telejúrgizýshi Láilá Sultanqyzy Flyarystan áýekompaniiasynyń ústinen aryz jazdy, dep habarlaidy Dalanews.kz.
Aitýynsha, borttyń ishinde keleńsiz jaǵdai oryn alǵan.
"Ushaqtyń esigi ashylmai, turyp ketken janymdaǵy jolaýshynyń abaisyzdyǵynan betime ústińgi sórede turǵan aýyr (qatty) zat, otyrǵan maǵan qulap, KÓZIMNIŃ TUSYN JYRYP, QABAǴYM JARYLDY. Bul @flyarystan áýekompaniiasy qaýipsizdik sharasyn saqtamaǵandyqtan oryn alǵan jaǵdai. Bordserikter men áýekompaniianyń alǵashqy kómekke daiyn emes bolǵanyna qapa boldym! Ne aptechka, ne muz, ne sýyq zat, ne qan toqtatyn, ne salfetka joq.
Menińshe, ornymda bala, qart adam otyryp, basy jarylsa, qatty jaralansa, miy shaiqalsa, kóp qan ketse jaǵdai qiyn bolar edi. Jaýapsyzdyq! Ár bortserik jolaýshy minip-túskenshe adam densaýlyǵyna jaýapty, alǵashqy kómek kórsetýge mindetti!", - dedi ol.
Eske salaiyq, buǵan deiin jolaýshylar quqyǵyn buzǵany úshin FlyArystan áýe kompaniiasy jaýapkershilikke tartylǵan edi.
Azamattyq aviatsiia komiteti Almaty – Astana baǵyty boiynsha reis keshiktirilgen kezde jolaýshylarǵa qajet qyzmetti usynbaýyna bailanysty "FlyArystan" áýekompaniiasyna shara qabyldady.
Naqtyraq aitsaq, jolaýshylar qonaqúige ornalastyrylmaǵan jáne olardy áýejaidan qonaq úige deiin jáne keri qarai transfer uiymdastyrylmaǵan. Ákimshilik kodekstiń 567-babynyń 2-bóligi boiynsha ákimshilik quqyq buzýshylyq týraly hattama jasalyp, aviakompaniiaǵa 1 000 AEK (3 692 000 teńge) mólsherinde aiyppul salyndy.
"QR KM Azamattyq aviatsiia komiteti reisterdiń keshigýi kezinde qyzmetterdi tiisinshe usyný bóliginde Qazaqstan Respýblikasynyń qoldanystaǵy zańnamasynyń talaptaryn buzǵany úshin otandyq jáne sheteldik aviakompaniialardy jaýapkershilikke tartý jónindegi jumysty jalǵastyrýda", – delingen komitet habarlamasynda.
