Saıahatshynyń aıtýynsha, ol bul saıahaty arqyly salaýatty ómir saltyn nasıhattap qana qoımaı, halyqty dostastyqqa, aýyzbirshilikke shaqyrmaq.
– Qazaqstanǵa ekinshi ret kelip otyrmyn. Tabıǵaty ádemi, halqy qonaqjaı memleket. Ókinishke oraı Astana qalasynda ótip jatqan «EHRO-2017» kórmesiniń ashylý saltanatyna úlgermeıi qaldym. Biraq Astana qalasyna bara salysymen, kórmeni aralap qaıtýdy josparlap otyrmyn, – dedi Nodar Berıdze.
Ótken jyly 17 qazan kúni Vladıvostok qalasynan shyqqan saıahatshy birqatar qalalardy basyp ótip, Astanaǵa jol tartty. Ary qaraı Omby qalasy arqyly Lıssabon, Túrkıa asyp, 2018 jyly 26 mamyr kúni Tbılısıge jetýdi kózdep otyr. Bul kúni Grýzıa astanasynyń 100 jyldyq mereıtoıy atap ótilmek.
Aıta ketsek, Nodar Berıdze kásipqoı sportshy emes. Tek erkin kúrespen shuǵyldanǵan. Ózi aıtyp ótkendeı, bul saıahaty arqyly rekord ornatýdy emes, halyqty dostastyqqa shaqyrýdy kózdep otyr.
