Saiasatker, ekonomist Ashat Asylbekov Almatyny basqarǵan Baýyrjan Baibektiń bylyqtary týraly aitty, - dep habarlaidy Dalanews.kz.
«A-parking degen parking bolatyn, biz soǵan qarsy shyqtyq. Biz ákimdik adamdarymen, Qairat Boranbaevtyń aǵasymen otyrys jasaǵan kezde jýrnalister kelip, jasyryn túsirip alǵan eken. Ol (parking) zańsyz dep onyń byt-shytyn shyǵarǵanbyz. Sebebi halyqtyń aqshasyna asfalt salady, al olar apparatyn qoiyp, turaqqa aqsha alady. Ne úshin? Eger parkingten biznes jasaǵyń kelse jer astynan jasa, 10 qabatty ǵimarattan jasa, sodan zańdy túrde aqsha al. Al ol kádimgi joldan aqsha alyp otyr. Bylaisha aitqanda mýnitsipaldy múlik. Jeke menshik kompaniia bolyp, qalai sen halyqtan aqsha alasyń? Maǵan «kimge qarsy shyqpaqsyń? Ol sheshilgen nárse, nege qarsy shyǵyp otyrsyń» dep neshe túrli nárseni aitty», - deidi Ashat Asylbekov Bilgen Durys youtube-arnasyna bergen suhbatynda.
Saiasatker ákimshilikte isteitin adamdar «qaltasyn oilaitynyn» aitady.
«Olar óziniń de qaltasyn oilaidy, joǵarydaǵy adamdardyń da tapsyrmasyn oryndaidy. Almaty – megapolis, respýblikalyq biýdjettiń 28 paiyzy osy jerde. Jaqynda aýasy úshin de tólei bastaimyz», - deidi Asylbekov.
Sonymen qatar, Ashat Asylbekov Qańtar oqiǵasy kezinde «halyqty paidalaný» stsenariii bolǵanyn aitady.
«Halyqtyń nieti – «shal ket» degen oi bolǵan. Halyq ózgeristi talap etti. «Qashanǵa deiin shydaimyz?» dep ádiletti ómirdi talap etti. Josparda bolmaǵan stsenarii bolyp ketti. Tipti Taldyqorǵanda Nazarbaevtyń músinin jerge laqtyrdy. Kóp qalada basqa toptar paida boldy. Solar kelip, bárin buzdy. Kárim Másimovti sottady, demek sonyń uiymyndaǵy adamdar da boldy», - deidi saiasatker.
