REGNUM-nyń buǵattalǵanyna 30 qazanda "Eýropa radıosy" nazar aýdardy. Ázirge ne sebepten buǵattaǵany aıtylmaǵan. Agenttik avtorlary Reseıge qarsy saıasat júrgizedi dep Belarýs bıligin birneshe ret aıyptap, Máskeýmen qosylýǵa aparatyn ıntegrasıany kúsheıte túsýge shaqyrǵany belgili.
Buryn Belarýs bıligi Azattyq radıosy men "Nastoıashee vremá" telearnasyn jáne táýelsiz BAQ-tardy da buǵattaǵan edi. Reseıshil "Komsomolskaıa pravda" saıty Gennadıı Mojeıko degen tilshisi qamaýǵa alynǵan soń Belarýstegi jumysyn toqtatýǵa májbúr bolǵan.
2020 jyly ótken prezıdent saılaýynan keıin Mınsk baspasóz ben azamattyq qoǵam ókilderine qysymdy kúsheıte túsken. Saılaý nátıjesimen kelispegen opozısıa jappaı qarsylyqqa birneshe márte shyqqan edi. Oǵan qaramastan Aleksandr Lýkashenko prezıdent saılaýynda jeńdi dep habarlanǵan.
Osy saılaýdan keıin myńdaǵan qylmystyq is qozǵalyp, ondaǵan myń adam shetelge ketken. "Vesna" quqyq qorǵaý ortalyǵy bul respýblıkada 831 saıası tutqyn bar dep esepteıdi.
