Oljas Bektenovtiń ornyna Prezident ákimshiligine basshylyqqa Aibek Dádebaev keldi, - dep habarlaidy Dalanews.kz.
"Aibek Arqabaiuly Dádebaev Qazaqstan Respýblikasy Prezidenti Ákimshiliginiń Basshysy bolyp taǵaiyndalsyn, ol burynǵy atqarǵan laýazymynan bosatylsyn", - dep jazylǵan Aqorda habarlamasynda.
Ol buǵan deiin Qazaqstan Respýblikasy Prezidentiniń is basqarýshysy qyzmetin atqardy.
Dádebaev 1980 jyly 1 sáýirde Almaty qalasynda týǵan.
2001 jyly Abylai han atyndaǵy Qazaq halyqaralyq qatynastar jáne álem tilderi ýniversitetin "halyqaralyq qujattanýshy" mamandyǵy boiynsha támamdaǵan; 2003 jyly Abylai han atyndaǵy Qazaq halyqaralyq qatynastar jáne álem tilderi ýniversitetiniń magistratýrasyn aiaqtaǵan, magistr-aimaqtanýshy.
2001-2002 jyldary Qazaq halyqaralyq qatynastar jáne álem tilderi ýniversiteti halyqaralyq týrizm menedjmenti kafedrasynyń oqytýshysy bolyp eńbek jolyn bastaǵan.
2021 jylǵy 28 mamyrdan bastap Qazaqstan Respýblikasy Prezidenti is basqarýshysynyń orynbasary, al 2022 jylǵy 11 qantardan bastap Qazaqstan Respýblikasy Prezidentiniń Is basqarýshysy boldy.
