Premer-ministr Oljas Bektenov biylǵy 14 naýryzda ótken Ulttyq quryltaidyń IV otyrysynda aitylǵan Prezident tapsyrmalaryn júzege asyrý máselesi boiynsha keńes ótkizdi, - dep habarlaidy Dalanews.kz.
«Memleket basshysy IV Ulttyq quryltaida sóilegen sózinde elimizdiń ishki saiasat pen ekonomika salasyndaǵy taiaý keleshektegi damý baǵdaryn aiqyndap berdi. Ekonomikanyń ósýine, iri infraqurylymdyq jáne energetikalyq jobalardy júzege asyrýǵa, tsifrlandyrý men adami kapitaldy damytýǵa qatysty kóptegen mańyzdy máselelerge nazar aýdaryldy. Eń bastysy – Prezident tapsyrmalaryn sapaly oryndaý», - dep atap ótti Oljas Bektenov.
Ministrlikterdiń júktelgen mindetterdi júzege asyrýdaǵy tásilderi tyńdaldy.
Premer-ministrdiń orynbasary – ulttyq ekonomika ministri Serik Jumanǵarin ekonomikanyń ósýine jańasha serpin berý jáne óńirlik damýdaǵy teńgerimsizdikterdi joiý, ádil jáne tiimdi salyq júiesin damytý, salyqtyq ákimshilendirýdi jetildirý jumystary týraly baiandady.
Memleket basshysynyń tapsyrmasyna sáikes, 2025-2030 jyldarǵa arnalǵan óńirlik saiasat tujyrymdamasynyń jobasy men shekara mańyndaǵy aýmaqtardy damytý boiynsha jeke zań ázirlenedi.
