Premer-ministr Oljas Bektenovtiń tóraǵalyǵymen ótken Úkimet otyrysynda Memleket basshysynyń "Taza Qazaqstan" bastamasyn júzege asyrý máselesi qaraldy, dep habarlaidy Dalanews.kz.
Premer-ministr "Taza Qazaqstan" ekologiialyq mádenietti arttyrýǵa jáne tabiǵatqa, týǵan jerimizge degen janashyrlyq sezimdi qalyptastyrýǵa baǵyttalǵanyn atap ótti. Prezident bastamasy búginde úlken qoǵamdyq qozǵalysqa jáne mádenietimizdiń ajyramas bóligine ainaldy.
"Elimizdiń ekologiialyq máselelerin sheshýge jáne tabiǵi bailyǵymyzdy saqtaýǵa turǵyndar da barynsha atsalysyp keledi. Bilim oshaqtarynda "Adal azamat" biryńǵai baǵdarlamasy aiasynda balalarǵa ekologiialyq tárbie berý jumystary júrgiziledi. Atalǵan iske ata-analar men ustazdar qaýymy da qatysyp jatyr. Mundai ekologiialyq mádeniet qazirgi Qazaqstan qoǵamynyń kúndelikti ómir saltyna ainalýy qajet. Tazalyq tazartylǵan jerde emes, qoqys tastalmaǵan jerde. Bárimiz osy bir qarapaiym ǵana qaǵidany únemi jadymyzda ustaǵanymyz abzal. Álemniń damyǵan elderinde bul qalypty jaǵdaiǵa ainalǵan. Biz de tabiǵattyń bir bólshegimiz, sondyqtan ony kózdiń qarashyǵyndai saqtaýymyz kerek. Óskeleń urpaqtyń boiynda osy qasietterdi oiatýǵa tiispiz", - dedi Oljas Bektenov.
Premer-ministr Oljas Bektenov tabiǵatty lastaityndarǵa qatań shara qoldanýdy tapsyrdy.
Kinálilerge aiyppul salynyp qana qoimai, aýqymdy túsindirý jumystary júrgizilmek.
