Osy aptada óńirlerde kásipkerlerdiń, máslihat depýtattary men sarapshylardyń qatysýymen talqylaýdy jalǵastyrý kerek. Bul týraly premer-ministr Oljas Bektenov úkimet otyrysynda aitty, dep habarlaidy Dalanews.kz.
Talqylaý qorytyndysy boiynsha Salyq kodeksiniń jobasyna túzetýler 20 aqpanǵa deiin Májilistiń qaraýyna engiziledi.
Premer-ministr Oljas Bektenovtiń tóraǵalyǵymen ótken Úkimet otyrysynda salyq reformasy máselesi qaraldy.
«Memleket basshysy otandyq biznes ókilderimen kezdesýde salyq reformasyn kásipkerlermen, depýtattarmen jáne sarapshylarmen birge egjei-tegjeili talqylaýdy tapsyrdy», dedi Oljas Bektenov.
Júrgizilip jatqan jumystar týraly premer-ministrdiń orynbasary – ulttyq ekonomika ministri Serik Jumanǵarin baiandady. Máselen, biylǵy 10 aqpanda «Atameken» palatasymen jáne kásipkerlermen saralanǵan mólsherlemeler, arnaiy salyq rejimderi, QQS boiynsha esepke qoiý shegi máseleleri talqylandy.
«Jalpy usynystardy qoldaimyz. Osy aptada óńirlerge baryp, halyqtyń barlyq sanattarymen egjei-tegjeili talqylaý kerek. Men de Astanada jáne óńirlerge baryp, talqylaýlar ótkizemin. Osy jumystyń nátijesi boiynsha Salyq kodeksiniń jobasy men ilespe zań jobasyna túzetýlerdi 20 aqpanǵa deiin Májiliske engizý kerek. Ary qarai Májiliste talqylaýdy jalǵastyramyz»,dep atap ótti Oljas Bektenov.
Búginnen bastap Úkimet bastamalaryn óńirlerdegi biznes-qaýymdastyqtardyń qatysýymen talqylaityn alty jumys toby óz jumysyn bastaidy.
