Oljas Bektenov 1 maýsymǵa deiin jazǵy kezeńde balalardyń qaýipsizdigin qamtamasyz etý boiynsha uiymdastyrý máselelerin sheshýdi tapsyrdy,– dep habarlaidy Dalanews.kz.
Úkimet otyrysynda premer-ministr Oljas Bektenov memlekettik organdarǵa jazǵy maýsymda balalar demalysynyń negizgi baǵyttary boiynsha naqty tapsyrmalar berdi.
Tótenshe jaǵdailar ministrligine ákimdiktermen birlesip, sý aidyndary men basseinderde qutqarý jabdyqtarynyń bolýyn tekserip, qyzmetkerlerdi sýda jáne órt kezinde balalardy qutqarý daǵdylaryna oqytýdy uiymdastyrý mindetin qoidy. Ishki ister ministrligine qoǵamdyq tártipti saqtaýdy qamtamasyz etý úshin árbir balalar ortalyǵy men lagerine, kópshilik is-sharalar ótetin oryndarǵa ýchaskelik politsiia inspektorlaryn bekitý tapsyryldy.
Balalardyń jol apatynan alatyn jaraqatynyń profilaktikasy máselesine erekshe nazar aýdaryldy.
"Sportshy oqýshylar mingen kólikter jol apatyna túsip, qaiǵyly jaǵdailarǵa ákep soqqany barshaǵa aian. Sondyqtan tiisti kelisim, ruqsattar bolmasa jáne patrýldik politsiia bastap júrmese, sportshy balalardyń óz eldi mekenderinen tys jerlerge shyǵýyna jol bermeýdi tapsyramyn", - dedi Oljas Bektenov.
Ishki ister, Tótenshe jaǵdailar, Oqý-aǵartý, Densaýlyq saqtaý ministrlikteri men óńir ákimdikterine jazǵy demalys kezinde tiisti qyzmetterdiń úzdiksiz jumysyn qamtamasyz etý tapsyryldy. Barlyq uiymdastyrý máselesi 1 maýsymǵa deiin sheshimin tabýy kerek.
Sonymen qatar, Oljas Bektenov múddeli memlekettik organdar aldyna jazǵy maýsym aldynda sý aidyndarynda, ormandar men joldardaǵy qaýipsizdik jáne tártip erejeleri boiynsha keń aýqymdy túsindirý jumystaryn júrgizý mindetin qoidy.
