Qazaqstanda Memleket basshysy tapsyrmalary aiasynda infraqurylymdy jańartý, tsifrlandyrýdy jedeldetý jáne ekologiialyq saiasatty kúsheitý baǵytynda júieli jumys júrip jatyr. Bul týraly Premer-ministr Oljas Bektenov málimdedi, dep habarlaidy Dalanews.kz.
Keiingi jeti jylda negizgi kapitalǵa salynǵan investitsiia kólemi 12,6 trln teńgeden 22,7 trln teńgege deiin ósken. Qarjy negizinen óńdeý ónerkásibine, energetikaǵa, logistika men agroónerkásip keshenine baǵyttalǵan.
Ónerkásipti qoldaý maqsatynda "Báiterek" holdingi arqyly qarjylandyrý kólemi 2,9 trln teńgeden 10,4 trln teńgege deiin ulǵaiǵan. Qazir metallýrgiiada - 23 joba, mashina jasaýda - 21 joba, himiiada - 11 joba, AÓK-te - 69 joba iske asyrylyp jatyr.
Kólik-logistika salasynda Transkaspii halyqaralyq baǵyty (Orta dáliz) boiynsha júk tasymaly jeti jylda bes esege ósken. Myń shaqyrymǵa jýyq jańa temirjol salynyp, 9,5 myń km jol jóndelgen.
Teńiz porttarynyń ótkizý qabileti 22 mln tonnaǵa jetken. Al "Qorǵas" qurǵaq porty óńirdegi negizgi logistikalyq habqa ainalyp otyr.
Avtojol salasynda da ilgerileý bar: jeti jylda 25 myń shaqyrymnan astam jol salynyp nemese rekonstrýktsiialanǵan.
Aviatsiia salasynda jolaýshylar aǵyny ósip, 2025 jyly áýejailar 31,8 mln jolaýshyǵa qyzmet kórsetken. Biyl Katonqaraǵai, Zaisan, Kendirli jáne Arqalyqta jańa áýejailar ashylmaq. Sonyń ishinde Arqalyq áýejaiy 30 jyldan keiin qaita jańǵyrtylýda.
Energetika sektorynda da júieli jańǵyrtý júrip jatyr. Sońǵy jyldary elektr óndirý kólemi 106 mlrd kVt·saǵattan 123,1 mlrd kVt·saǵatqa deiin ósken. Úkimettiń boljamynsha, 2027 jyldyń birinshi toqsanynyń sońyna qarai Qazaqstan energiia tapshylyǵynan tolyq arylýy múmkin.
Sonymen birge Almatydaǵy JEO-2 men JEO-3-ti gazǵa kóshirý jumystary júrgizilýde. Uzaq merzimdi teńgerim úshin atom energetikasyn damytý máselesi de kún tártibinde.
Tsifrlandyrý baǵytynda Qazaqstan tolyqqandy tsifrlyq memleket modeline kóship keledi. Smart Bridge platformasy arqyly memlekettik organdar men biznes arasynda derekter almasý jolǵa qoiylǵan. El BUU-nyń EGDI indeksinde 24-orynǵa kóterilip, onlain qyzmetter boiynsha álemdik ondyqqa engen.
2026 jyl Jasandy intellekt jyly dep jariialanyp, Alem.ai halyqaralyq ortalyǵy quryldy. Úkimet Digital Qazaqstan strategiiasyn ázirlep jatyr.
Ekologiialyq baǵytta "Taza Qazaqstan" bastamasy jalpyulttyq qozǵalysqa ainaldy. Sonymen qatar sý qaýipsizdigin kúsheitý úshin 20 jańa sý qoimasyn salý jáne keminde 15 myń km irrigatsiialyq kanaldardy jańǵyrtý josparlanǵan.
Úkimet basshysy júrgizilip jatqan reformalar Qazaqstannyń uzaq merzimdi, ornyqty jáne tehnologiialyq damýyna berik negiz qalyptastyryp jatqanyn atap ótti.
