Premer-ministr Oljas Bektenov Prezident Qasym-Jomart Toqaevtyń meditsina qyzmetkerlerin qorǵaýdy kúsheitý jáne densaýlyq saqtaý mekemelerindegi qaýipsizdikti arttyrý jónindegi tapsyrmalarynyń oryndalý barysy týraly jiyn ótkizdi, dep habarlaidy Dalanews.kz.
Oǵan Premer-ministrdiń orynbasary Ermek Kósherbaev, densaýlyq saqtaý ministri Aqmaral Álnazarova, ishki ister ministri Erjan Sádenov jáne ádilet vitse-ministri Laýra Mersalimova qatysty.
Densaýlyq saqtaý ministrliginiń málimetinshe, 2019 jyldan beri Qazaqstanda dárigerlerge, feldsherlerge, medbikelerge jáne basqa da densaýlyq saqtaý qyzmetkerlerine jasalǵan shabýyldardyń 170-ten astam faktisi tirkelgen.
Oljas Bektenov meditsina qyzmetkerleriniń qaýipsizdigin qamtamasyz etýdiń mańyzdylyǵyna nazar aýdardy.
"Memleket basshysynyń tapsyrmasynyń oryndalýyn qamtamasyz etý qajet. Dárigerlerge shabýyl jasalǵan mundai oqiǵalar quqyqtyq ádistermen qatań túrde toqtatylýy kerek. Osyǵan bailanysty densaýlyq saqtaý, ishki ister, ádilet ministrlikterine on kún merzim ishinde qyzmettik mindetterin atqarý kezinde meditsina qyzmetkerlerine qatysty zorlyq-zombylyq jasalǵany úshin qylmystyq jaza qarastyrý boiynsha zańnamalyq túzetýler ázirlep, engizýdi tapsyramyn", — dedi Premer-ministr.
Ishki ister ministriniń málimetinshe, aýrýhanalar men perinataldyq ortalyqtardyń qabyldaý bólmelerinde táýlik boiǵy politsiia beketteri qoiylǵan. Barlyǵy 115 densaýlyq saqtaý nysany qorǵaýǵa alyndy. Kikiljińderge jedel den qoiý maqsatynda marshrýttyq patrýlder kórsetilgen mekemelerge jaqyn ornalastyryldy. Qazirgi ýaqytta meditsinalyq mekemelerde qaýipsizdikti qamtamasyz etý boiynsha jekelegen sharalar qabyldandy.
Budan bólek, halyq arasynda profilaktikalyq jáne túsindirý jumystaryn kúsheitý tapsyryldy.
Aita ketsek,Memleket basshysy meditsina qyzmetkerlerine shabýyl jasap, kúsh qoldanyp jáne qatygezdik tanytqan áreketterge qatysty jazany qatańdatý maqsatynda ulttyq zańnamaǵa ózgerister engizý týraly Parlament depýtattarynyń, densaýlyq saqtaý salasy ókilderiniń jáne belsendi azamattardyń usynysyn qoldady.
"Dárigerlerdiń densaýlyǵyna nuqsan keltirip, ómirine qaýip tóndiretin mundai keleńsizdikterge "Zań jáne tártip" qaǵidatyna sáikes quqyqtyq turǵyda batyl túrde tosqaýyl qoiylýy kerek. Prezident Úkimetke tiisti zańnamalyq túzetýler ázirleýdi tapsyrdy. Bul bastama Parlamentte azamattyq qoǵam ókilderimen birge talqylanady", dep jazdy jelide búgin QR Prezidentiniń keńesshisi – baspasóz hatshysy Rýslan Jeldibai.
Buǵan deiin Densaýlyq saqtaý ministri Aqmaral Álnazarova Qaraǵandy men Qostanaida bir kúnde bolǵan oqiǵalarǵa alańdaýshylyq bildirip, málimdeme jasaǵan bolatyn. Qaraǵandyda jekemenshik emhananyń meiirbikesine shabýyl jasalsa, Qostanai oblystyq aýrýhanasynda ýrologiia bóliminiń jas hirýrgi naýqastyń soqqysynan esinen tanyp, jansaqtaý bólimine túsken. Naýqas óz kezegin kútkisi kelmegeni úshin dárigerge qol kótergen.
