Bekshin: "Qurban aitta úide mal soiýǵa, qoi satýǵa tyiym salynady"
Qurban ait dástúrli merekesin toilaý qarsańynda Almaty qalasynyń bas memlekettik sanitar dárigeri Jandarbek Bekshin "Almaty qalasynyń aýmaǵynda Qurban ait merekesi kúnderi koronavirýs infektsiiasynyń taralýyna yqpal etetin kópshilik sharalardy ótkizýge tyiym salý týraly" Qaýlysyna qol qoidy.
Qaýlyǵa sáikes, Almaty qalasynyń aýmaǵynda Qurban aitty merekeleý kúnderi tyiym salynady:
1) jekemenshik formasyna qaramastan, barlyq uiymdarda, sonymen birge, jekemenshik úi-jailar jáne medreselerde kópshilik sharalardy ótkizýge;
2) mal soiysyn uiymdastyrýǵa jáne ótkizýge, Almaty qalasynyń aýmaǵynda avtokóliktermen ákelingen maldardy satýǵa jáne jeke ieliktegi úi-jailarynda mal satý ;
3) 31 shilde men 2 tamyz aralyǵynda Almaty qalasynyń Ortalyq meshitimen bekitilgen onlain rejimde qurban shalýdy júzege asyratyndardan basqa, mal satatyn tsehtar men bazarlardyń jumysy toqtatylady;
Qurban shalý tek onlain rejimde BAQ arqyly ruqsat etilgen.
Sonymen birge, Almaty qalasynyń politseileri QR AShM Veterinarlyq baqylaý jáne qadaǵalaý komitetiniń aýmaqtyq inspektsiiasymen birlesip, 27.07.2020 j bastap, 02.08.2020 j aralyǵynda Almaty qalasyna kireberisterde onlain rejimde qurbandyq shalýǵa arnalǵandardy qospaǵanda, qala aýmaǵyna maldardyń ákelinýin boldyrmaý jáne jolyn kesý boiynsha posttar uiymdastyrylady.
Sonymen birge, QR AShM Veterinarlyq baqylaý jáne qadaǵalaý komitetiniń aýmaqtyq inspektsiiasymen 27.07.2020 j- 02.08.2020 j aralyǵynda Almaty qalasynyń aýmaǵynda memlekettik veterinarlyq-sanitarlyq baqylaý jáne qadaǵalaý kúsheitiledi.
J.Bekshin atalǵan sharalardyń koronavirýs infektsiiasynyń taralýynyń aldyn alý maqsatynda qabyldanǵanyn atap ótti. Sebebi osy kezde adamdar kóp jinalady, al onyń sońy juqtyrýǵa ákelýi múmkin.
